Өлеңдер - Bilim

Kudaibergen90

Сексен алты отты жалын лаулаған,
Жастар шықты қан майданға таймаған.
Тайсалмастан барған сондай ерлікке,
Сол жастардың жігеріне таңғалам.

Тілім менің еліміздің тағдыры,
Мәңгі сөнбес тәуелсіздік ән-жыры.
Құнымызды жоғалтқысы келмесе,
Ана тілді қадірлесін барлығы.

Қайдасың сағындырған махаббатым
Мөлдіреп төккен нұрлы шапағатын?!
Мен сені іздеп жүрмін бау-бақшадан
Ғашықтар мекені деп аталатын.

Тербеткен туған жерді жырыменен,
Мен сізді білмеппін ғой шыныменен
Ойдан шың, от сезімнен тау тұрғызған.
Мың жылда бір-ақ туар ұлы дер ем.

Ақын деген тұңғыйықтың тереңі,
Ақын деген адамзаттың керегі.
Ақын деген бар шындықты пенденің,
Қысылмастан бетіне айтып береді.