Өлең-жыр байқауы

Жаңылтпаштар

Аша тұяқ аңдар да
Аялдады аршалы аңғарға.


Ауан аңқаулау дуанадай ма,
Аужайлап бақсыша қуалай ма?


Атырапқа сары күз кеп,
Ағаш жапырақтары саудырап,
Аунады топыраққа қаудырап.


Аңпаңылатып, томпай ойнап жатқанда,
Айтақырдағы асықшылар оп-оңай тапқан ба?


Аша мұрт шаянды
Асауға балықтар таянды.


Аша ағаштан ашамайды
Айшықтап неге қашамайды?


Ауытқыш ауытқушылыққа араша тұра ма?
Ауытқушымен тіл тауып жараса тұра ма?


Ауылда асық ойнап, қозы бақтым,
Ауылдастан тай бәйгеде озып ақтым.


Ауыздықпен алысқан арғымағы
Арнасы кең арықтан қарғымады.


Аусарлау аусар,
Аусарланса, нені аңсар?


Ауаннан жүр аулағырақ,
Адалдықтан аума бірақ.


Асығын Асан:
- Алшы түс, - деп иірді,
Асықпай сақасын шиірді.


Астапыралла, найзағай шатырлап жарқ етті.
Астан-кестен нөсер құйып сатырлап
Аспанды осқан найзағай от жалт етті.


Асқабақ басқарақ өскен бе,
Ашқарақ піспей-ақ кескен бе?
Ассалаумағалейкум, Астана,
Аспаңдап ажарланған Бас қала!


Асаусынған ала құнан бұлқынып,
Ауыздықпен алысып тұр жұлқынып.


Асауды бастықтырайық,
Ауыздықтатқызыңызшы,
Алқымынан біз басып тұрайық.


Асатаяқ ұзын ғой, аса таяп ұстамашы,
Аса таяп ұста деп Құмашты қыстамашы.


Асанқайғыланбай-ақ, жасарда шатыр,
Ағайындарды асарға шақыр.


Арықтың бойында
Арықша Ақбала
Асыға кірісті ойынға.


Аршысуға арықты
Аршынбар бешпетті
Аршын төс ару да барыпты.