Ойын-сауыққа
Сауыққой салқылар көп cap табанда,
Ойын бар іздегенге әр қадамда.
Болмаса Қуаң жері деген аты,
Жайлауға жұртқа жайлы Арқадан да.
Айдарбайға
Жалынып, жазып маған сөз бер дейсің,
Қиялды қызғылықты өзгер дейсің.
Зейілім сөзден шығып кетті десем,
Боғыңды еріндің, - деп, езгендейсің.
Құрбанғали молдаға
Болғанмен асылың адам, ая Құрбан,
Есексің ес, ақылың тіпті құрыған.
Еткен соң осынша еңбек ескеріп Хақ,
"Ілім" атты иініңе тақты тұрман.
Зарқұмға айтқаны
Жаныңнан жақын нәрсе жоқ,
Айырыларсың мұнан да.
"Дүние" деп, дінді ұмытпа,
Қаларсың қаңғып тұманда.
Той бастау
Бетіне ақ қағаздың жаздым нама,
Етейін қызметіңді келсе шама.
Ат шапқан мерекенің даң-даңымен,
Тұсыңа қарындасым келдім жаңа.
Жер жүзін жеті қабат зұлмат басты
Заң азды, төресі әділ хан жоғынан,
Тозды жұрт тойып жейтін нан жоғынан.
Қыран құс қайда ұшарын біле алмай тұр,
Алып жер ашыққанда аң жоғынан.
Қуанышбай баласы Әмзе жолдас қалай еді
Қуанышбай баласы,
Әмзе жолдас қалай еді?
Жарымаған әкесі,
Әркімдердің малайы еді.
Тыңдатайын азырақ
Тыңдатайын азырақ,
Ер Үсеннің дастанын.
Қанады құлақтың құрышы,
Қойыңдар сөзін басқаның.
Қуандария болысы Көшекке айтқаны
Жүрмісің сау саламат, інім Көшек,
Ер едің ел билеген, ермей өсек.
Тапсырған жұмысыңды жөндеместен,
Жоқ болды Өмірұзақ деген есек.
Салдырып жай жаңадан
Салдырып жай жаңадан,
Сұлулап, сырлап, ақтапты.
Керегіңді түгендеп,
Келтіріп Кеңес тоқтапты.
Бұл Кеңес бай, құлақтың бәрін жеңді
Бұл Кеңес бай, құлақтың бәрін жеңді,
Кедейдің көзі көріп, көңлі сенді.
Кеңдіктің күні туып, күле жайнап,
Тұрғанда түк арман жоқ туғанға енді.
Асыра сілтеу қылатын
Асыра сілтеу қылатын,
Бұзықтың бәрі басылды.
Тозаңы тарқап олардың,
Көптердің көзі ашылды.
Жұртымның жүдә жақсы жайы, күйі
Жұртымның жүдә жақсы жайы, күйі,
Тойынып, түскен орта толды миы.
Қуылып бай, құлақтар құрып кетті,
Қан сорғыш секілденген қара бүйі.
Қадамың құтты болсын, Кеңес аға
Қадамың құтты болсын, Кеңес аға,
Ренжу ешкім саған емес аға.
Тең тұрып таразыдай тәрбие еттің,
"Ауыштың", - дұшпаның да демес аға.
Көміліп көне жоспар жаңалық тұр
Көміліп көне жоспар жаңалық тұр,
Жайылып, жаз гүліндей жайқалып тұр.
Жарығы жер жүзіне жетіп тұрған,
Сталин ортаңа ілім орнаған нұр.
Алтынгүлге
Көп сәлем көрмесем де, Алтынгүлге,
Өзіндей кім қызықпас гәуһар, дүрге.
Орнығып ойыма ышқым алғаннан соң,
Сөйлесем түспей тұрмайды атың тілге.
Ерім төренің қызы Мәдинаға
Көңлімде көркің көріп, қалды бір дақ,
Дауасын дақ ұлғайтар, бермесе Хақ!
Өзіңнен емін есітіп болған дерттің,
Шайқаттың шаһналық шырағын жақ.
Пікірлер
-
Аяжан
Өте қызықты! -
Айдана
Жақсы керемет -
Бейбитгул
Керемет,ұнады -
Бейбитгул
Керемет -
ҚАЗҰУ-ДА «МЕН ЖАСТАРҒА СЕНЕМІН!» РЕСПУБЛИКАЛЫҚ ЖАС
өте қызықты
- Габриэль Гарсиа Маркес
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі