Екі жақсы дос болса,
Бірін бірі қия алмас.
Екі тентек қосылса
Бір шаһарға сыя алмас.

Ілмектер: жақсы, дос, мінез-құлық

---

---

Бақ оралса басыңа,
Дос жиылар қасыңа,—
Егініңді ел салысар,
Қырманыңды ел алысар,
Наныңды ел жабысар,
Малыңды ел бағысар,
Бақ кеткенде басыңнан —
Жоқтан бәле жабысар,
Егініңді өрт шалар,
Сау басыңды дерт шалар!

Ілмектер: бақ, дос, дерт

---

---

Екі жақсы қас болмас,
Екі жаман дос болмас.

Ілмектер: жақсы, жаман, дос

---

---

Жақсы жігіт
Досының қамын ойлайды.
Жаман жігіт
Басының қамын ойлайды.

Ілмектер: жақсы, жаман, жігіт, дос

---

---

Бақыт кетсе басыңнан:
Әуелі досың мен құдаң кетер.
Бидай еккен жеріңе
Мия мен тікен бітер.
Бақыт, байлық басыңа қайта оралса:
Кеткен достар әр жерден жылмаң етер.

Ілмектер: бақыт, дос

---

---

Есепті дос айырылмас.

Ілмектер: дос

---

---

Ас барында дос жоқ,
Ат барында той жоқ.

Ілмектер: дос

---

---

Дос бергеннің түсіне қарама.

Ілмектер: дос

---

---

Досыңның пышағымен мүйіз кес,
Дұшпаныңның пышағымен киіз кес.

Ілмектер: дос, дұшпан

---

---

Айрылғысы келген дос,
Аяулыңды сұрайды.

Ілмектер: дос

---

---

Жаңа дос келгенде,
Ескі достың көзінен жас шығар.

Ілмектер: дос

---

---

Қайғың болса,
Досыңа бар.
Қарныңашса,
Қосыңа бар.

Ілмектер: дос, қайғы

---

---

Есептескен — дос болмас.

Ілмектер: дос

---

---

Дос көргеннен түңілме.

Ілмектер: дос

---

---

Досыңмен көп сөйлеспе,
Жолынан қалдырарсың.
Дұшпаныңмен көп сөйлеспе,
Сырыңды алдырарсың.

Ілмектер: дос, дұшпан

---

---

Жаман дос:
Озып бара жатсаң
Етегіңді басады,
Қалып бара жатсаң
Қасыңнан қашады.

Ілмектер: дос

---

---

Дос — ажарың,
Жолдас — базарың.

Ілмектер: дос, жолдас

---

---

Жалған достан — жау артық.

Ілмектер: жау, дос

---

---

Өзің қандай болсаң, досың сондай.

Ілмектер: дос

---

---

Жақындай қимас —
Шын досыңмен сыйлас.

Ілмектер: дос

---

---