Бейілі жаман кісіден көшеді,
Өз асын өзі жасырып ішеді.

Ілмектер: жаман, мінез-құлық

---

---

Үндемес ауызда пәле бар,
Екі ұртында шала бар.

Ілмектер: үндемес, мінез-құлық

---

---

Ақ сауыттың жағасы бар, жеңі жоқ,
Шын жақсының ашуы бар, кегі жоқ.

Ілмектер: жақсы, мінез-құлық

---

---

Жақсы кісі текшіл,
Жаман кісі кекшіл.

Ілмектер: жақсы, жаман, мінез-құлық

---

---

Арғымақ аттың құйрығы –
Әрі жібек, әрі қыл,
Асыл мінез азамат,
Әрі төре, әрі құл.

Ілмектер: жақсы, мінез-құлық

---

---

Екі жақсы дос болса,
Бірін бірі қия алмас.
Екі тентек қосылса
Бір шаһарға сыя алмас.

Ілмектер: жақсы, дос, мінез-құлық

---

---

Жақсы керісіп отырып
Күліседі.
Жаман келісіп отырып
Керіседі.

Ілмектер: жақсы, жаман, мінез-құлық

---

---

Күле кіріп,
Күңірене шыққаннан сақтан,
Күн шығып тұрып
Құя жауғаннан сақтан.

Ілмектер: мінез-құлық

---

---

Жақсыны жамандасаң
Аруағы тасады;
Жаманды жамандасаң,
Құты қашады.

Ілмектер: жақсы, жаман, мінез-құлық

---

---

Жаны жайсаң жігіттер
Дария шалқар көлмен тең:
Жан аян кескен жігіттер
Ел қонбаған шөлмен тең.

Ілмектер: мінез-құлық, жігіт

---

---

Жақсы жүрген жерін
Мақтап жүреді,
Жаман жүрген жерін
Даттап жүреді.

Ілмектер: жақсы, жаман, мінез-құлық

---

---

Айыратын жаман бар,
Қосатын жараң бар,
Барын ішпейтін сараң бар,
Жасырып ішетін арам бар.

Ілмектер: жаман, сараң, мінез-құлық

---

---

Жақсының сөзі кепіл,
Жаманның өзі кепіл.

Ілмектер: сөз, жақсы, жаман, мінез-құлық

---

---

Жаман етіңе келеді,
Жақсы ниетіңе келеді.

Ілмектер: жақсы, жаман, мінез-құлық

---

---

Аққа қара жоқ,
Қараға шара жоқ.

Ілмектер: мінез-құлық

---

---

Жақсыға құрмет
Жас-жаранға міндет.

Ілмектер: құрмет, мінез-құлық

---

---

Жаманның қолында болғанша,
Жақсының жолында бол.

Ілмектер: жақсы, жаман, мінез-құлық

---

---

Жамандыққа жақсылық.
Ұяты барды ұрғаның.
Жақсылыққа жамандық
Тек зұлымдық қылғаның.

Ілмектер: жамандық, мінез-құлық

---

---

Жақсыдан жаман туса,
Емі табылмас.
Жаманнан жақсы туса,
Теңі табылмас.

Ілмектер: жақсы, жаман, мінез-құлық

---

---

Жақсыны арман оздырар,
Жаманды құлқын тоздырар.

Ілмектер: арман, мінез-құлық

---

---