Қонағы бар үй қоңырсып тұрады,
Қонағы жоқ үй бозымсып тұрады.
Құдаң құрдасыңдай болсын,
Құдағайың сырласыңдай болсын.

Ілмектер: қонақ, құда, құрдас

---

---

Қонымды киіміңді өзің ки,
Айналып қарасын көргендер,
Тәтті тамағыңды қонағыңа бер,
Айта жүрсін жегендер.

Ілмектер: қонақ

---

---

Қонақ келсе — құт,
Қарақшы келсе — жұт.

Ілмектер: қонақ, құт

---

---

Иесіз үйдің оты жанбайды.
Қонақ қазанға бір қарайды,
Қожасының қабағына екі қарайды.

Ілмектер: қонақ

---

---

Сараңның салғанын қазаны жейді,
Қалғанын қонағы жейді.

Ілмектер: қонақ, сараң

---

---

Өзі қонақ болып көрмеген,
Қонақты сыйлай да білмейді.

Ілмектер: қонақ

---

---

Құм үстінде ине сабақтама,
Түсіп кетсе, табылмас.
Қонар үйді бір күнде адақтама
Қоналқы ертең табылмас.

Ілмектер: қонақ, үй

---

---

Қожасы жуас үйдің қонағы билейді.

Ілмектер: қонақ, үй

---

---

Үйлері қоңыр екен деп,
Көп ауылдан кетпеңіз.
Үйі аппақ екен деп,
Оңаша үйге түспеңіз.

Ілмектер: қонақ, үй

---

---

Қонақ келсе, ет қызарар,
Ет қызармаса, бет қызарар.

Ілмектер: қонақ

---

---

Қонақ қолын тигізбеген ас арам.

Ілмектер: қонақ, ас, арам

---

---

Қонаққа қозы сойса, қозы өледі,
Қозы соймаса, өзі өледі.

Ілмектер: қонақ

---

---

Жаяу қонақ, жайласып ұйықтайды.

Ілмектер: қонақ

---

---

Алдыңа ас қойдым,
Екі қолыңды бос қойдым.

Ілмектер: ас, қонақ

---

---

Ұялмаған бұйырмағанды ішеді.

Ілмектер: ұят, қонақ

---

---

Төрге бұрын шыққан
Тілеген жеріне отырар.

Ілмектер: қонақ

---

---

Төрдегі күлсе,
Есіктегі ыржияды.

Ілмектер: қонақ

---

---

Салулы ауызға ас тиер,
Сабырсыз ауызға ас тиер.

Ілмектер: ас, тамақ, қонақ

---

---

Қырдағы қырман
Ойдағы орман,
Күнде той, күнде думан.

Ілмектер: қонақ

---

---

Табақ тартқан
Тамақ сұрамайды.

Ілмектер: тамақ, қонақ

---

---