Ұлттық Тестілеу орталықтары

Қазақстан Республикасы Ғылым және жоғары білім  министрлігі «Ұлттық тестілеу орталығы» Республикалық мемлекеттік қазыналық кәсіпорыны (бұдан әрі ҰТО) 1992 жылы құрылған. 

Ұлттық тестілеу орталығының миссиясы - Ұлттық білім беру сапасын бағалау жүйесі аясында өткізілетін шараларды ұйымдастырушылық-технологиялық қамтамасыз ету.

ҰТО қызметінің басты мақсаты Қазақстанның білім беру жүйесіндегі сырттай тапсырылатын емтихандар мен мониторингтердің барлық түрлерін ұйымдастыру және өткізу, сонымен қатар оларға тест тапсырмалары базасын қалыптастыру болып табылады. Негізгі іс-шаралар қатарына:

• Ұлттық бірыңғай тестілеу;

• Жоғары және орта білім беру ұйымдарындағы оқу жетістіктерін сырттай бағалау;

• Ұлттық біліктілік тестілеу;

• Магистратураға түсуге арналған кешенді тестілеу;

• Докторантураға түсу емтихандары;

• Қазақ тілін меңгеру деңгейін бағалау жүйесі – ҚАЗТЕСТ  жатады. 

ҰТО қызметінің басты бағытының бірі жоғарыда аталған іс-шаралар үшін тест тапсырмалары базасын қалыптастыруды ұйымдастыру болып табылады. Тапсырмалар базасын қалыптастыру барысында тестті шығарудағы міндетті өту кезеңдері туралы талаптар сақталады:

1. Әзірлемешілер мен сарапшыларды оқыту;

2. Тест спецификацияларын бекіту;

3. Тест тапсырмаларын әзірлеу;

4. Тест тапсырмаларын сараптамадан өткізу;

5. Тест тапсырмаларын апробациядан өткізу;

6. Тест тапсырмаларын базаға енгізу.

Қажетті сілтемелер:

Емтиханға әзірленуге 5 кеңес

ҰБТ онлайн жаттығу(түрлі нұсқалармен)

Емтиханға дайындық: ата-аналарға кеңестер

Емтиханға дайындық: қалайша көп нәрсені оп-оңай есте сақтауға болады

Әлеуметтік желілерде бөлісіңіз: