Өлең, жыр, ақындар

Бірінші желдірме

  • 22.11.2015
  • 0
  • 0
  • 12181
Ал, алқа, келді кезің жайнайтұғын,
Бұлбұлдай бақшадағы сайрайтұғын,
Өнердің қиясына шыққан сайын,
Болаттай тастан табан таймайтұғын.

Жөнелдім желдірмемен желдей есіп,
Қырандай аспандағы талмайтұғын!
Тізейін өлеңімді меруерттей;
Есінен жұртшылықтың қалмайтұғын.

Дабылы дауылпаздай шарықтаған,
Екпіні самолеттей заулайтұғын.
Талапты жастарымыз үйреніп ал,
Ән еді желдірме атты самғайтұғын.

Құлаштап өлеңіммен шарықтаймын,
Қарыштап шапқан сайын жалықпаймын
Гүлденген күннен-күнге Отанымның,
Өскенін айтқан сайын анықтаймын.

Шаттықтың желдірмесі, міне, қандай,
Құйылған үсті-үстіне үні талмай.
Талапты өнерпазы заманымның
Тасқыны өрге жүзген дәл осылай.



Пікірлер (0)

Пікір қалдырыңыз

Шахтерлер туралы ән

  • 0
  • 0

Қарағанды шахтерлері, ұр еңбектің дабылын,
Түс одақтық жарысқа, үдет істің қарқынын.
Көрсет бүгін қайрат, күшті социалистік жарыста,
Жер құйқасын шымырлатып, соқ айлаңды қарышта.

Толық

Өндіріс

  • 0
  • 0

Қарсақпай, Қарағанды, Риддерім,
Қайнаған кенге шөгіп ойы-қырың.
Алыста Ембі-нефті аққан мұнай,
Қоңырат, Нілдіменен бір көрнегім.

Толық

Кәрібай-тракторда

  • 0
  • 0

Мінекей, біздің тұлпар жаны темір,
Осымен гүлденеді барлық өмір.
Сарымай жемі, суы қазанатым
Тіркеп ап қанша жүкті, ей, тарта бер!

Толық

Қарап көріңіз