Өлең, жыр, ақындар

Толғау

  • 24.11.2015
  • 0
  • 5
  • 32473
Еменнің түбі сары бал,
Еріскен көңіл бәрі бал.
Жоғарыдан төмен төгейін,
Керегіңді теріп ал.
Қасыма ерген жолдастар,
Антыңды бұзып айрылма,
Зейініңді бермен сал.
Жапанға біткен жасылды-ау,
Жамандардың басы сау.
Жаманды байқап қарасаң,
Күндердің күні болғанда
Өз басына өзі жау,
Арғымақ жақсы ат мініп,
Жеке шығып елімнен,
Толықсып толғау толғасам,
Іштегі қызғын басылды-ау!
Өлең айтып толғадым
Көкірегімді басарға.
Махамбеттей мұңдыға
Енді келер күн қайда
Ханға құрған шатырды
Сүңгімен түртіп ашарға?!
Алтын жақса жарасар
Жылтыраған күміске.
Он екі ата Байұлы
Жиылып келсе бұл іске,
Алты сан алаш ат бөліп,
Тізгінін берсе қолыма,
Заулар едім бір көшке!



Пікірлер (5)

Ильясова Акмаржан

Маган олендер катты унады мен бул олендерди керегиме паидаландым коп рахмет!

маған өлең қатты ұнады мен енді махамбет атамыз сы

махамбет атамыз өте ақылды бүкіл бала махамбет атамыз сыйақты болса екен деимін

Айка Джаналиева

Жалпы маған толғау қатты ұнады.Бірақ қазіргі таңда бұндай өлеңдерді апай үйге тапсырма ретінде бермесе немесе бір ісшараға қажет болғанда ғана жаттамасақ бұндай толғау бар екенін білмеймізде.

qwetyuiop

Мен әлі бұл толғауды оқыған жоқпын . Бірақ осы пікірлейден кейін бұл толғауды оқып , жаттағым келіп отыр . Шынымен мұғалімдер осындай ақын аталарымыздың тақпақ , толңауларын жаттауға бермесе , осындай ата-бабаларымыздың бар екенің , күшті өлендері бар екенің білмейтін едік .

Муслим

Махамбет Бабаларымыздың сөздері жүрекке тіке қадалады, жаның ауырып кетет, рухты көкке көтеред

Пікір қалдырыңыз

Пыр-пырлай ұшқан қасқалдақ

  • 0
  • 0

Пыр-пырлай ұшқан қасқалдақ,
Көлінде жатып көркеймес
Өртенсе көлдің қоғасы.
Аруана мая күңіренер,

Толық

Тайманның ұлы Исатай

  • 0
  • 14

Арғымақтан туған қазан ат,
Шабуыл салса нанғысыз.
Қазан аттан туған қаз мойын,
Күніне көз көрінім жер шалғысыз.

Толық

Қызғыш құс

  • 3
  • 61

Ау, қызғыш құс, қызғыш құс,
Қанатың қатты, мойның бос.
Исатайдан айрылып,
Жалғыздықпен болдым дос.

Толық

Қарап көріңіз