Өлеңдер бөлімі

Алаш туы астында

Адамды Алла жаратқан жер бетіне
Салем етіп Пайғамбар үмбетіне
Ассалаумағалейкум арда халқым
Айналған тәуелсіздік келбетіне.

Азаттығым - айбыным, ел бағысың
Бабаларым күрескен ел қамы үшін.
Тілім , дінім, жерім деп жан таласты
Қолдан бермей өлгенше ер намысын

Алмағайып кезеңде амал тауып,
Ойландырмай төнетін қамал, қауіп.
Тәуелсіздік төрінде шалқайсын деп,
Ұрпақтарын жеткізген аман – сау ғып.

«Бай елміз» деп кеудені мақтан керді,
Сеземіз бе маңдайдан аққан терді?
Қызғыштай боп қорғаған арыстарым,
Бес тиынға біреулер сатқан жерді.

Азаттықты аңсаған қайран - бабам,
Ақылымен көңілі лайланбаған.
Білім емес қуғаны мода болған ,
Ұялар ед(і) ерлерден тайраңдаған.

Ұлтым десе айып па қайраткерлер,
Тіл – қарумен дұшпанын жайратқан ер.
Басшыларды құрметпен сөйлетсеңіз,
Өзге тілмен шұбарлап сайрап сөйлер.

Карта бөлген жеріміз жетіп жатыр,
Қорғанысы нығайып бекіп жатыр.
Тар жол тайғақ кешумен бабам сызған,
Шекара асып сәбилер кетіп жатыр.

Бірін қойып жете алмай, бірін айтып,
Көншиді екен мынау пәк көңіл қайтіп.
Бұрынғының алашы болмасам да,
Бүгінгіге жаусыншы тілім жайпап...

Біз бостандық иесі бақыттылар,
Бақыттылар сөзінде жақұт тұнар.
«Алаш туы астында сөнбей- тұғын»
Жас ұрпақтан қалсыншы сарқыт жырлар.

Елге айналдық ес жиып , етек жапқан
Жат көздерден қорғасын кесел «қапқан»
Берекеміз жоғалмай бір болайық,
Құдай өзі сақтасын шетел жақтан.

Басқа да өлеңдері

Тәуелсіздік ақ таңы

  • 0
  • 0

Күнім нұрлы, түнім жарық,
Асыл мамық жастандық.
Жүрек жылы, ойым анық
Рахмет, саған, Бостандық!

Толық

Жерімді сатпа

  • 0
  • 0

Ей, ұлылар ұрпағы,
Жүйіткіп шабар тұлпары,
Жерімді менің сатпашы.
Қанменен келген ызғары,

Толық

Жырласа жастар жырласын

  • 1
  • 0

Басыңа жеткен кезде бостандығың,
Тіліңді білмегенің қастандығың.
Анасын күткен сәби секілденіп,
Жәутеңдеп кешпесін күй тастандының.

Толық

Пікірлер (2)

Модератор

Егер авторы өзіңіз болсаңыз, - авторы өзім - деп белгілеуді ұмытпаңыздар.

Адылғазы

Білім емес қуғаны мода болған ,
Ұялар ед(і) ерлерден тайраңдаған. Мықты айтылған!

Пікір қалдырыңыз

Серіктестер

Загрузка...