Кінә менде

Қыз ұзату тойы - үлкен мереке. Мұнда ат жарыс, палуан күресі, айтыс, өнер бәсекесі, бәс, ұлттық ойын түрлері, жұмбақ айтыс, ән-жыр айту сияқты ойын-сауықтар өткізіледі. Бұған қатысқан, көрген жұрт бір серпіліп, жаны жадырап қалады. Осындағы тағы бір қызықты өнер - қалыңдықтың жеңгелері мен күйеу жанындағы жігіттердің айтысы. Ол басқа айтыстардай ешкімді сынап, мінемейді, кәдімгі әзіл-қалжыңға, күлкіге, тапқырлыққа құрылады.

Бұл айтыстың аты - "Кінә менде". Тағы бір қызығы: жеңген жақ жеңілген жаққа арнайы сыйлық тапсырады. Бұл - жеңілген жақтың көңілін көтеріп, олардың ойында кірбің қалмасын деген игі тілек пен жақсы көңілдің, алдағы жақындықтың белгісі. Алды-артын әркез бірдей ерте ойлайтын қазақ халқының осы дәстүрі оның ұлттық қасиеттерінің үлкен көрінісі екенін қалай ұмытарсың!

Әлеуметтік желілерде бөлісіңіз: