Комодо кеселі

Комодо  кеселі – жер  шарындағы ең алып кесіртке. Қара қоңыр түсті, ұсақ сары дақтары болады. Ұзындығы  3 м-ге дейн жетеді, салмағы 136 келі шамасында. Денесінің жартысын құйрығы алып жатыр. Ұзын, жалпақ басты, тұмсығы сүйірлең, қабыршақ денелі, аяқтары иелеңкі. Тістерінің жиегі өткір, жемтігін бөлшектеуге ыңғайлы. Жемтігін ұзақ уақыт жасырынып, аңдып жатып ұстайды.

Комодо кеселі сағатына 20 шақырымға дейін жүгіре алады. 50 жыл бұрын комодо кеселінің денесі қазіргіге қарағанда ұзындау әрі ірілеу болған. 

Комодо кеселі жануарлардың барлығымен қоректене береді, мысалы бұғылар, шошқалар, су буйволы, жыландар, кесірткелер,т.б.

Комодо кеселі суда жақсы жүзеді. Су бетінде балықтар мен құстарды аулағаны да байқалған. 
Комодо кеселі ағаштар арасын паналап, жәндіктермен, құстармен, кішкене сүтқоректілердің жұмыртқаларымен де қоректенеді. 20 жылдан 40 жылға дейін тіршілік етеді. Күйлеу кезеңінен басқа уақытта дара тіршілік етеді. 

Комодо кеселі теңіз деңгейінен 700 метр биіктіктегі муссондық ормандарда және сванналарда тіршілік етуге бейімделген.


Әлеуметтік желілерде бөлісіңіз:


Пікірлер (0)

Пікір қалдырыңыз

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)