Дин Карназес — шаршамайтын желаяқ

50 жастағы Дин Карназес ұзақ дистанцияларға жүгіретін әлемдегі ең танымал желаяқ болып саналады. Оның есебінде көптеген рекордтық жүгірулер бар. Дегенмен ол спортпен шындап айналысуды 30 жасында бастаған.

Карназестің көптеген жетістіктерінің бірнешеуін ұсынамыз:

— 43 жасында ол үздіксіз 560 км жүгірген. Осы уақытта ол үш күн ұйықтамаған, 3 килограмм салмақ тастаған және 40 мың килокалория жаққан;

— 44 жасында АҚШ-тың әр штатында 50 күн бойы 50 марафонды жүгіріп өткен;

— 49 градус Цельсий кезінде калифорниялық Өлім алқабын жүгіріп өткен;

— Оңтүстік Полюстегі тұңғыш және жалғыз марафонға қатысып, екінші орынға ие болған.

Бір қызығы, Казарес жүгіруді 30 жасын тойлауден кейін, мас күйінде бастаған. Ал бұған дейін ол корпорацияда істейтін қарапайым жұмысшы болған. Алайда 50 километрге созылған ең бірінші жүгіріс бәрін өзгертті. Бүгінде жүгіру – Казарестің басты мамандығы. Қосымша істері – пайдалы өнімдер сату, жігерлендіретін кітаптар жазу және түрлі жиындар мен конференцияларда сөз сөйлеу. Time журналы оны «Әлемдегі ең беделді адамдардың Топ-100-дігіне» кіргізеді.

Диннің соңғы 20 жылда жеткен ғажайып спорттық жетістіктері, бұл, әрине, қажырлы жаттығулар мен ағзаның ерекшеліктерін әрдайым дамытудың нәтижесі. Алайда Казарестің өзіндік бірнеше құпиясы да бар. Солардың бірнешеуін назарларыңызға ұсынамыз:

1. Батыл болыңыз

Қол жеткізу мүмкін еместей көрінетін мақсаттардан қорықпаңыз. «Бағындыруға тұрарлық кез келген мақсат тәуекелден тұрады», - деп жазады Карназес өзінің «Ультрамарафон-адам: түнімен жүгірушінің жазбалары» атты автобиографиялық кітабында.

2. Баусыз жүріңіз

Ұзақ дистанцияларға жүгіргенде ең бір ыңғайсыздық тудыратыны – бауларды байлау. 50 миль жүгіріп өткен соң тізерлеп отыру немесе аяқ киімді байлау үшін еңкеюдің өзі қиын болып кетеді. Карназес баусыз кроссовкалармен жүгіреді.

3. Мүмкіндіктеріңіздің шегін сынаңыз

1995 жылы 135 миль қашықтықтан тұратын ең алғашқы ультрамарафонында Карназес өлім мен өмір арасында арпаласты: ыстық күнде жүгіру кезінде ол елестеушілік, жүрек айну мен диареяға ұшырады. Сол жолы ол аралықты бағындыра алмады, алайда келесі жылы сол жолға қайтып оралып, оныншы орынға ие болды. 2004 жылы бесінші талпыныстан кейін ол бұл ультрамарафонда бірінші болып келді.

4. Қуат беретін кез келген тағамды жеңіз

Ұзақ жүгірістері кезінде Карназес түрлі тағамды шексіз мөлшерде жейді – себебі оның супержүгірісі калорияларды зор мөлшерде кетіруге мүмкіндік береді. Басқа кездері спортшы аскетикалық диетаны ұстанады. Ол тіпті жемісті де көп мөлшерде жемейді, себебі оның құрамында қант мөлшері көп.

5. Аз ұйықтаңыз

30 жасында қарапайым тәсілмен ерекше өмір сүруді бастаған Карназел тәулігіне 4 сағат ұйықтауды әдетке айналдырған. Соның арқасында ол көп нәрсеге үлгеретін болған, бұдан өзге түнде жүгіру мүмкіндігіне ие болған – оның сөзінше, түнде жүгіру адамды керемет тыныштандырады. Бұған дейін көптеген адам сияқты 8 сағаттан кем емес ұйықтап жүрген Карназес «Адам денесі әдеттегіден тыс ерлік жасай алады», — дейді.

6. Денеңізге қожайынның кім екенін көрсетіңіз

«Адам денесінің өз шегі бар, бірақ адам рухы ештеңемен шектелмейді, — дейді Дин Карназес. Ол ең алдымен өз санаң мен мінезіңді жаттықтыру керектігін айтады. — Сіздің миыңыз – сіздің ең басты бұлшық етіңіз. Өмір – бұл молаға әдемі және жақсы сақталған денемен қауіпсіз келу емес, керісінше кемені тежегіштен босатып, барынша пайдалану, толықтай тоздыру және «бұл не жүріс? Міне, менің қолымнан не келеді!» деп жар салу.


Әлеуметтік желілерде бөлісіңіз:


Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Басқа да жазбалар

Пікірлер (2)

Тұрсын Бегімова

Сіздерді вконтакте желісінде қалай табуға болады?

Пікір қалдырыңыз

Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)