Сергек оянуға ықпал ететін 6/30 ережесі

Бұл ереже аса көп жігерді талап етпейді, дегенмен айтарлықтай пайдасы зор.

6/30 ережесі мынадай:

Ұйқыға 6 сағат алдын кофеин тұтынбаңыз және 30 минут алдын  гаджет пайдаланбаңыз.

Ғалымдар ұйқыға дейін 3-6 сағат бұрын кофеин тұтынудың әсерін зерттеген.

Caffeine Effects on Sleep Taken 0, 3, or 6 Hours before Going to Bed зерттеуіне сүйенсек, алты сағат – қажет болған уақыттың ең кемі. Себебі, тәжірибеге қатысқан, ұйқыға дейін 6 сағат бұрын кофеин тұтынған адамның өзінде де ұйқының бұзылуы сезілген.

Ең көп кофеин, әрине, кофенің құрамында. Кофе ең сергіткіш қасиетке ие сусынның бірі. Сондықтан да, кофені таңертең немесе күндізгі уақытта ішкен абзал.

Айтпақшы, шәйда да аздаған кофеин мөлшері болады. Содықтан ұйқы алдында көк немесе қара шәй ішпеген дұрыс. Бірақ, шөпті демдеуіштер сіздің ұйқы тәртібіңізді бұзбайды.

Гаджеттер

Смартфон, ноутбук немесе басқа да құрылғылардың экранынан шыққан көгілдір жарық мелатониннің өндірісін, яғни ұйқы гормонын баяулатады. Мұндай жарықтар ішкі ағзаға «әлі ұйықтауға ерте» деген белгі жібереді.

Ұйқы алдында демалған жөн. Әлеуметтік желідегі парақшаларыңызды қарап, жұмыс хаттарына жауап беріп немесе теледидар көру арқылы сіз миыңызға салмақ түсіресіз. Ал, ұйықтаған соң ұялы телефоныңызға хаттар келіп, дыбысы мазаламас үшін оны "ұшу" режиміне қойыңыз.

Ең дұрысы, ұйқыға дейінгі 2 сағат алдын барлық технологиядан өзіңізді алшақтатқан жөн. Бірақ, ағзаңыз толықтай ұйқыға кетуге дайындалуы үшін жарты сағат та жеткілікті.

Оқуға кеңес береміз:

60 секундта ұйқы келтіретін әдіс

Ұйқының жайлы болуына ықпал ететін 5 өсімдік

Адам ұйықтап бара жатып неге селт етеді?


Әлеуметтік желілерде бөлісіңіз:


Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікірлер (2)

Айдар

Мелатонин жақсы бөлінуі үшін өте ерте ұйықтау керек, мелатонин бұлшық еттің өсуіне жақсы ықпал тигізеді деп бір спортпен айналысатын жігіт айтып еді.

Лаура

Қысқа да нұсқа, өте пайдалы, кофе мəселесі жігерді талап етпес, бірақ ƏЖ - лілер менің жігерімді талап етер, əсіресе инстаграм мен фейсбуктегі өсектерсіз қиналып қаламын, ұят-ай

Пікір қалдырыңыз


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)