LEAN-мәдениеті Қазпоштаның сұрыптау орталықтарының тиімділігін арттырды

Lean-жүйесін (Үнемді өндіріс технологиясын) енгізу арқылы өңірлердегі ұлттық пошта операторының пайдалы өндірістік алаңдарының қолданыстағы алаңы 70%-ға кеңейді. Бұл туралы «Қазпошта» АҚ-ның баспасөз қызметі жазды.

«Сондай-ақ, пошталық жөнелтілімнің өңдеу уақыты едәуір қысқартылды. Енді ірі хабтарды өңдеу бір тәулік уақытты алады. Ал аймақтық сұрыптау орталықтарында – 24 сағаттан 12 сағатқа дейін төмендеді. Қызметкердің өнімділік тиімділігі екі есе өсті», – делінген порталда.

Қазпоштаның 16 сұрыптау орталықтарында мұндай бизнес-үдерістерді оңтайландыру Трансформация бағдарламасы шеңберінде өткізіледі. Нәтижесінде орталықтардың әртүрлі бөлімдерін орналастыру қайта қаралды. Поштаны сұрыптау операциялары автоматтандырылды. Бұған қоса, тасымалдау азайтылып, шығындар жойылды.

«Шамамен 1500 сұрыптаушылар және пошташылар LEAN-мәдениетін арнайы оқыту әдістеріннен өтті, ал үздік мамандар тәжірибені Ресейде және Германияда өткен болатын», – деп жазылған басылымда.

Бұл жүйенің қызметкерлер үшін пайдасы көп екен. Яғни, олардың үнемділік жүйеге араласуға және Lean-ойлауды қалыптастыруға мүмкіндік беріп жатыр.

LEAN-мәдениет – өндірістік кәсіпорынды басқаруға арналған концепция. Бұл өз кезегінде шығындарды болдырмауға ықпал ететін, жүйелі тәсіл. Сонымен қатар, бизнесті оңтайландыруға және ондағы қызметкерлердің тұтынушыларға сапалы қызмет ұсынуына ықпал етеді.


Әлеуметтік желілерде бөлісіңіз:


Басқа да жазбалар

Пікірлер (0)

Пікір қалдырыңыз

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)