Өлең, жыр, ақындар

Тері

  • 21.07.2020
  • 0
  • 0
  • 929
Соғымыңның терісіндей қыстағы
Бұл даланың көбейіп тұр дұшпаны.
Күтім еді мойыны мен сауыры,
Бүтін еді бауыры мен пұшпағы.

Тоқтық келіп, көзді буса көбең хал,
Талапайға салмақсың ба төбеңді әр.
Қазағыңнан қалған бір сөз:
«Теріні
жайып қойсаң ит қамайды, – деген бар.

Жайып қойдық.
Жайына қап құтты еңбек
Жауһарымды жайпап кетті жұт теңдеп.
Жерім – тері.
Енді соны «қамайтын»
иттің саны иесі жоқ иттен көп.

Қайда әлгі жаушы жетсе,
Жақтасы
секілденіп қолындағы шақшасы:
«Қатынымды ал,
Жатынымды ал,
Атымды ал…
Жерімді алма», – дейтін Ғұнның патшасы?

Бабамыздың терден кеппей тақымы
баққан жерін базарламақ ата ұлы.
Жерді қайтсін,
Қымбат оған алтыны,
Елді қайтсін,
Қымбат оған қатыны.

Қыран емес,
Секілденген күшіген
Қорқам мынау заманыңның түсінен;
Ақ найзаның ұшыменен келген жер
кете ме, – деп ақ қаламның ұшымен.



Пікірлер (0)

Пікір қалдырыңыз

Кебеже

  • 0
  • 0

Томсарып тұр тозаң тұтқан кебеже,
Кебежемен болушы еді тоқ әже.
Көне мүлік – бүгін үшін ескілік,
Ескілікке кейін тартты кегеже.

Толық

Ақыл

  • 0
  • 0

Маған ақыл айпайтұғын кісі жоқ,
Аңғал көріп ақылменен ісі жоқ.
Сиыр-адам кетеді бір мөңіреп,
Жылқы-адам кетеді бір кісінеп.

Толық

Күлу

  • 0
  • 0

Дос шалқып шаттығымнан,
жатым жүдеп,
Құдай-ау, қашан күлдім ақырғы рет.
Қанша жыл қасарысып қысыр тірлік

Толық

Қарап көріңіз