Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Ішкенім де жегенім күшаладай

Сәкен Иманасов

Ішкенім де жегенім күшаладай

  • 18.10.2020
  • 0
  • 0
  • 763
Ішкенім де жегенім күшаладай,
өмір еді неткен бұл құсаға бай,
атқылап-ақ жатқаны қайғы мен мұң,
қатар қойған қалқансыз нысанадай!...
Аямайды жаныма батады деп,
кезегімен толассыз атады кеп.
Ызыңы да, көңілдің қыжылы да
күннен-күнге басылмай, жатады үдеп.
Қатып-семген қашанғы шер де шемен
ұсынады улы зәр зер кесемен,
өзімді өзім жұбатып,
алдайын деп,
қалмайын деп сімірем мен де сенен.
Осы ма деп қалың ел ұғар қайғым,
жастығымды жата қап жұмарлаймын.
Бірте-бірте күш кеміп,
жүрек қана
қасарыса тістеніп, шығармайды үн!...

Сәкен Иманасов ішкенім де жегенім күшаладай Сәкен Иманасов өлеңдері

Пікірлер (0)

Пікір қалдырыңыз

Карта ойнау кезіндегі Тұманбай көкеме мінездеме

  • 0
  • 0

Столыңды саусақпен сырт еткізе қатты ұрып,
қиғаш тастап картасын, қырын қарай лақтырып,
қолы жүріп бергенде күлмең қағып Тұмекең,
әндетеді-ау дейсің бір арғымақ жал ат мініп.

Толық

Бұл өмірде бар-жоғыіды білместен

  • 0
  • 0

Бұл өмірде бар-жоғыіды білместен,
күндерім-ай, қызыл-жасыл гүл кешкен,
шекесінен шертіп қойып шіріктің,
арулармен ат үстінде тілдескен.

Толық

Бәрі бекер

  • 0
  • 0

Қыдырып, қыз-дүние, тізіле көш,—
үздігіп көрген жоқпын үзіп өңеш,
мүмкін-ау үдеуі де,
жүдеуі де, —

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер