Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Тілек

Базар Оңдасұлы

Тілек

  • 12.11.2015
  • 0
  • 0
  • 7217
«Ауру - сырқау айналып,
Елдің құты қашсын!» - дер.
Әлпештеген біреудің
Жаңа түскен келінін -
«Қара албасты бассын!» дер.
«Әулиеге ат айтып,
Қорасанға қой айтып,
Абыржып әбден сассын!» - дер.
«Ат терлетіп алдырып,
Басына зікір салдырып,
Дәулетің сүйтіп шашсың!» - дер.
Бұл - басқылар тілегі.
Сондай тілек бола ма,
Жақсылардың тілегі?
«Жаны ардақты жақсының,
Күнде бірі өлсін!» - дер.
«Жаназасын оқы, - деп, -
Шақырушы келсін!» - дер.
«Скат, құран шығарып,
Мал мен мүлкін бөлсін!» - дер.
Сол бөлінген олжадан,
«Өзгелерден көбірек,
Сыбағама берсін!» - дер.
Бұл - молдалар тілегі.
Жақсы тілек бола ма,
Сонда олардың тілегі?
«Ақ жарылқап, күн туып,
Күнде қызық болсын!» - дер.
«Келін түсіп, ұл туып,
Үйге бала толсын!» - дер.
«Ел, азамат аман боп,
Басыңа бақыт қонсын!» - дер.
«Жамандық тілек тілейтін.
Жауыздық гүлі солсын!» - дер.
«Ойын - ойнап, жыр - жырлап,
Мерекелеп той - тойлап,
Жұрт жиналып келсін!» - дер.
Бұл - жыраулар тілегі.
Сол тілекті тілейтін,
Мен солардың біреуі!
Молдалар, сауат іздесең,
Құранды оқы молаға.
«Басына түне» демеймін,
Келіңдер қайтып қонаға.
«Өлім барды шашады,
Жоқтың артын ашады»,
Қосыла сендер тонама.
Жылап - сықтап жатқанда,
Олжада ойы барларың,
Қараң құрсын, жолама.
Тірінің көңлің ауласаң,
Дүние үшін жолдан алмасаң
Мен сендерден садаға!
Құран оқып күніреніп,
Сары уайым саласын,
Берсе қағып аласың,
Соларың дұрыс бола ма?
Қажеті болса сөзімнің,
Аямаңдар, айта бер,
Көңіліме менің қарама!

Тілек Базар жырау Базар Оңдасұлы Базар Өтемісұлы Базар Оңдасұлы өлеңдері

Пікірлер (0)

Пікір қалдырыңыз

Бір шығайын құмардан

  • 0
  • 0

Адам болса, көңліңде
Болмай қалмас бір арман.
Екі мұңды бас қосса,
Іштегі шерін шығарған.

Толық

Өзімдей - ақ ұл туар

  • 0
  • 2

Дабылымды есітіп,
«Құмар» дейді көрмекке
Сонау жатқан төменгі -
Астраханның бойында,

Толық

Кермиығым, кербезім

  • 0
  • 0

Кермиығым,кербезім,
Керілген аттай шандозым!
Бір көруге сендерді,
Құмар едім мен де өзім.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер