Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Қаншама қырын келсін тағдыр, мейлі

Сәкен Иманасов

Қаншама қырын келсін тағдыр, мейлі

  • 31.05.2021
  • 0
  • 0
  • 262
Қаншама қырын келсін тағдыр, мейлі,
қиналған кездерімді жан білмейді! —
Ешкімге шағындырмай,
табындырмай,
өмірдің өзі-ақ мені әлдилейді!
Бұралаң тіршіліктің сан дүрмегін,
шыдаған көтеруге балғын белім,
Жылаған (жасырынып) шақтарда да
басымнан сипаған жоқ тағдыр менің.
Өзгенің өтесі жоқ, сірә, маған,
ешкімді оған бола кінәламан!
Келгенше осы жасқа,
шынымды айтсам,
көрмедім жанашырлық бір ағадан.
Әйтеуір өрге сүйреп өз басымды,
ешкімге көрсетпедім көз жасымды.
Сезуші ем
тағдырыңның тәлкегінен
тулақтай
түгі түсіп,
тозбасымды!

Сәкен Иманасов қаншама қырын келсін тағдыр мейлі Сәкен Иманасов өлеңдері

Пікірлер (0)

Пікір қалдырыңыз

Мен де тұрам

  • 0
  • 0

Мен де тұрам
сен тұратын қалаңда,
жолығамын жақсыға да,
жаманға,

Толық

Жеңеше

  • 0
  • 0

Енді ойласам,...
отыздарға мол келген,
жесір еді, кесір еді сол жеңгем,
бұрым болып өрілмейтін қара шаш,

Толық

Тамсантып түгел таңдайда еріген

  • 0
  • 0

Тамсантып түгел таңдайда еріген,
қандай әдемі, қандай керім ең.
Қандай берік ең, —
қасымда жүріп,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер