Өлең, жыр, ақындар

Санамды салқыны ұрған Перiмiсiң?

  • 15.07.2021
  • 0
  • 0
  • 323
Санамды салқыны ұрған Перiмiсiң?
Сəуiрдiң, əлде самал лебiмiсiң?
Жаңылмай, жазбай тапсам, жазығым не,
Жаралған жан екенсiң менiң үшiн.
Мен үшiн рас болса жаралғаның,
Сездiршi тордан шығар шамаң барын.
Құмында құлан жортқан қу медиен
Мен де бiр Барсакелмес аралдамын...
Мен үшiн жаралғаның анық, қанық!
Бұл сөздi қайталаудан жалықпалық.
Қара түн жамалыңды көрсетпейдi
Қанатын Қарақұстай қағып қалып.
Көлеңкең күндiз бар да түнде ғайып,
Күн батып,
Ай туғанда бiр болайық.
Құдайдың көктен түскен Перiштесi
Құдай-ау, маған емей, кiмге лайық?!



Пікірлер (0)

Пікір қалдырыңыз

Сезім сергек

  • 0
  • 0

Сезім сергек,
Көз көргек,
Санам ояу,
Бұлағай-ау бұл өмір,

Толық

Па, шiркiн, биiң қандай, биiң қандай?!

  • 0
  • 0

Па, шiркiн, биiң қандай, биiң қандай?!
Ыстық қан ындыныма құйылғандай.
Сыймайтын сахнаға сылаң қағып,
Сыған да құдайына сиынғандай.

Толық

Қоңыр әуен

  • 0
  • 0

Достан да, дұшпаннан да қалған көңіл
Аңсап жүр аққулы әуен, арман көлін...
Күнгейге Күнікейдей қызды ұзатып,
Танакөз тағдырымды таңнан көрдім.

Толық

Қарап көріңіз

Басқа да жазбалар