Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Мергеннің әңгімесі

Серік Тұрғынбеков

Мергеннің әңгімесі

  • 17.09.2021
  • 0
  • 0
  • 216
Айналып өтіп едім Айнакөлден,
Қалың құс қапталдады қайдан келген.
Су кешіп қамысақтан мамыр қусаң,
Қызығың ештеңе емес жайда көрген.
Мергеннің екі көзі шүңірейіп,
Ұңғысы қос ауыздың үңірейіп.
Қаталап қырқа жақтан шөлдеп келіп,
Шәрбатын Айнакөлдің сімірейік.
Мөлдір су көңіл кірін шайып кетсін,
Жотасы күдірейіп жайық көктің.
Толтырып қанжығамды құсқа теңдеп,
Бір күнде, ағайындар, байып кеттім.
Емес ем еңбегімді сатқан кісің,
Болатын басымырақ жаттан мысым.
...Тіріліп ішек-қарнымды тырналап жүр
Бейкүнә баяғыда атқан құсым.

Серік Тұрғынбеков мергеннің әңгімесі Серік Тұрғынбеков өлеңдері

Пікірлер (0)

Пікір қалдырыңыз

Мен де өлермін

  • 0
  • 0

Мен де өлермін.
Сен де өлерсің.
Ол да өлер.
Одан қашып құтылмайды пенделер.

Толық

Қанжар

  • 0
  • 0

Бір шындыққа жеткен соң,
Тура тартқан төтесін.
Әлденеге кектенсең,
Қынға сыймай кетесің.

Толық

Көп қудым қызық думанды

  • 0
  • 0

Көп қудым қызық думанды,
Артымда айқай шу қалды...
Естінің сөзін ескермей,
Еледім өсек, сумаңды.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер