Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Жорық жырынан

  • admin
  • 24.03.2018
  • 0
  • 0
  • 1447
Бүгінгі күнім - ұлы күн,
Бүгінгі күнім - жорығым.
Жау жағасын жығуға,
Жалауды биік байлаған.
Тапсырғамын... үкімет
Шығарсын деп декрет,
Тепсінгем, тастай түйілгем,
Құжынап құрттай қайнағам
Ашынғанға ашу боп,
Асынғанға тосу боп,
Жорыққа шапқам жауыма,
Салдырған күнім байбалам.
Өңшең жауыз, қанды ауыз,
Жеті жүз бас жалмауыз,
Ордаңа тигем ойрандап,
Аластап елден айдағам.
Жаншылғанды қуантқам,
Жаншығанды қуартқам,
Еңіренткенді күңіренткем,
Шайнағанды шайнағам.
Емес пе еді сол бүгін!
Еске салар оны кім,
Белгілі төбем маягім,
Белгілеп арнап тойлаған.
Тағы бүгін етем серт:
«Аударылсын жер мен көк».
Бүлдіріп, жасап, күлдіріп
Мұратқа жетем ойлаған.
Жау оңда ма, солда ма,
Жау сыртта ма, жолда ма,
Бойда қайрат, ойда жау,
Сақадай саймын, сайланам.

Басқа да өлеңдері

Алатау

  • 0
  • 0

Алатау, басың бәтес, баурың торқа.
Туың ба, тұманың ба басың қалқа.
Бала едім баурында өскен суыңды ішіп,
Жерсітпес сен тұрғанда Сыр мен Арқа.

Толық

У

  • 0
  • 0

Қашаннан «Құдай», «құран» деп
Қаңғырған талай ой жазған.
Құдайдан құрыған құлдар көп,
Құранмен қуған қулар көп.

Толық

Біздікі

  • 0
  • 0

Енді аттандым, ежелгі жау - бай, жуан
Шынжыр балақ, шұбар төс, нән адуын!
Аударамын, төңкеремін, арылтам!
Сорған жылан, теріс азу айуан.

Толық

Пікірлер (0)

Пікір қалдырыңыз

Серіктестер

Загрузка...