Домбыра

Домбыра
Бойымды қазақ қаны билеген,
Қос ішегі бір-біріне тимеген,
Қазағымның домбырасы күй тартса,
Тебіреніп, ерекше бір күйге енем.

Күй шертілсе, домбыраның ішегі,
Бойыма бір ерек күш енеді.
Рух сыйлаған жүрегіне қазақтың,
Тарихымды жалғастырған үн еді.

Мүлде бөлек, оның үні басқадан,
Естігенде елжіреймін, тамсанам.
Жалықпаймын толқығанда күйлерін,
Жалықпаймын, жалықса да басқа адам.

Домбыраның мен үшін жөні ерек,
Күйлерінің әрдайым үні бөлек.
Әсем әні бөлейді, бір рахатқа,
Оны тек тыңдап қана, білу керек.

---