Эссе және өлең-жыр байқауы

Өлген артық

  • admin
  • 30.04.2019
  • 0
  • 0
  • 222
Өлген артық,
Тірлікте былыққанша!
Былыққанша,
Байлыққа құныққанша.
Қызып тұрар тақымда күлік қанша!
Қызықтырар көзіңді мүлік қанша!
Әдемілік өмірдің сәні білем.
Құлағымда қуаныш әні кілең.
Тамағымды жібітіп саумал шарап,
Табаныңды сорады қалы кілем.
Пенсияда,
Жұмыстан босағасын,
Түйе ұтады картадан қосағасың.
Алған кезде дәулетті жеңген, қолын,
Талай мыңның жүзігін қоса аласың.
Tic шұқуға кесеміз аршаны біз.
Төріңде де жанады шамша жұлдыз.
Бір жігіттің басында қанша сусар!
Бір арудың бойында қанша құндыз!
Шүкір деңдер,
Уақытқа сиыныңдар!
Соның бәрін бақылап тұр ұйымдар.
Бір үйің бар қаланың ортасында,
Сыртында оның тағы да бір үйің бар.
Келіншектер келісті сәнді білер
Көздерімен ішіп-жеп дәмді күлер.
Бәрі қымбат, не керек, бәрі қымбат,
Арзан болса арзан тек әңгімелер.
Соның бәрін бақылап қара да тұр.
Қайда дара ақыл мен дара батыр?!
Тұрмыс солай жеңілдеп бірте-бірте,
Адам болу қиындап бара жатыр!..

Басқа да өлеңдері

Мен отырмын жер ортасы жасқа кеп

  • 0
  • 0

Мен отырмын жер ортасы жасқа кеп
Басқа буын,
Енді қазір басқа леп.
Айналайын, ақылдысың,

Толық

Суға барған сұлулар

  • 0
  • 6

Бойжеткендер,
Балдыздар
Бір кездегі аңыздай.
Су тасиды бал қыздар

Толық

Қала менің тұғырымдай

  • 0
  • 0

Қала менің тұғырымдай,
Тағымдай.
Дала бірақ қол бұлғайды сағымдай.
Шопан ұлы,

Толық


Пікірлер (0)

Пікір қалдырыңыз

Серіктестер

Загрузка...