Мұхтар Әуезов

Мұхтар Омарханұлы Әуезов – қазақтың ұлы жазушысы, қоғам қайраткері, ғұлама ғалым, Қазақстан ғылым академиясының академигі (1946), филология ғылымдарының докторы, профессор (1946), Қазақ КСР-нің еңбек сіңірген ғылым қайраткері (1957).
Ол қазіргі Шығыс Қазақстан облысының Абай ауданы жерінде 1897 жылы жиырма сегізінші қыркүйекте туған. Алғашқыда 1908 жылы Семейдегі Камалиддин хазірет медресесінде оқып, одан кейін орыс мектебінің дайындық курсына ауысады. 1910 жылы Семей қалалық бес кластық орыс қазына училищесіне оқуға түсіп, соңғы класында оқып жүргенде «Дауыл» атты алғашқы шығармасын жазады.

Училищені 1915 жылы аяқтап, Семей қалалық мұғалімдер семинариясына түседі. Семинарияда оқып жүріп Шәкәрім Құдайбердіұлының «Жолсыз жаза» дастанының негізінде «Еңлік-Кебек» пьесасын жазып, оны 1917 жылы маусым айында Ойқұдық деген жерде сахнаға шығарады.


Туындылары Нақыл сөздері

Жаза баспас қадам жоқ, жаңылмайтын адам жоқ.

Ілмектер: жаңылу, адам, жазаФ Мұхтар Әуезов

Еккенің тікен болса, орғаның балауса болмас.

Ілмектер: нәтиже, еңбек Мұхтар Әуезов

Арқада жыл жақсы болса, арқар ауып несі бар?!

Ілмектер: нақыл сөз Мұхтар Әуезов

Қонтайдың қалжыңы: «Жазыла-жазыла қожа-молдадан да ұят болды, енді өлмесе болмас».

Ілмектер: ұят Мұхтар Әуезов

Тамыр болдың – айтыс жоқ, қолдан бердің – қайтыс жоқ.

Ілмектер: нақыд сөз Мұхтар Әуезов

Не аңсағанда аларсың, не қақсағанда аларсың.

Ілмектер: мақсат, арман Мұхтар Әуезов

Сипат: тілі – бұлбұл, аяғы – дүлдүл.

Ілмектер: сипат, нақыл сөз Мұхтар Әуезов

Тумай жатып толдым деме, толмай жатып болдым деме.

Ілмектер: нақыл сөз Мұхтар Әуезов

Алдыңғы жақсы артқы жасқа тәлім айтпаса, ел болғаның қайсы?!

Ілмектер: тәлім, тәрбие, жастар Мұхтар Әуезов

Іздесең – табарсың, алыссаң – аларсың.

Ілмектер: еңбек Мұхтар Әуезов

Сын шын болсын, шын сын болсын.

Ілмектер: шындық, сынау Мұхтар Әуезов

Маңына ұрық шашпаған жақсылық, жапанда жалғыз өскен бәйтерекше, тұл болады да қалады.

Ілмектер: жақсылық, жақсылық туралы, нақыл сөз Мұхтар Әуезов

Кімде-кім ана тілін, әдебиетін сыйламаса, бағаламаса, оны сауатты, мәдениетті адам деп санауға болмайды.

Ілмектер: ана тілі, тіл, әдебиет, тіл туралы қанатты сөздер Мұхтар Әуезов

Қазақ мектебіндегі бала келешекте қай мамандыққа барам десе де, ең алдымен өзінің ана тілін, әдебиетін сүюі шарт. Сол сүюді орта мектеп табалдырығын аттаған соң да, мамандық, білім беретін жоғары мектепке ауысқанда да асыл қасиетіндей сақтауы керек.

Ілмектер: мектеп, бала, ана тілі, тіл Мұхтар Әуезов

Жаңа ғашық болған шағыңда ойда жаңғырған тәрізденеді.

Ілмектер: ғашықтық, ой Мұхтар Әуезов

Әзілде кек, өсекте шек жоқ.

Ілмектер: әзіл, кек, өсек Мұхтар Әуезов

Қызғаныш — құрт ауру. Ол мыс қазандай қайнайтын азап оты.

Ілмектер: қызғаныш, ауру, азап Мұхтар Әуезов

Кітап аяулы досы бола бастаған шақтан былай ғана әрбір жан өзін интеллигент бола бастадым деп санауына болады.

Ілмектер: интеллигент, кітап Мұхтар Әуезов

...ғылым мен мәдениет барлық дүниенің алтын алқасы болып отыр.

Ілмектер: ғылым, мәдениет, дүние Мұхтар Әуезов

Осы күнгі біздің көп мақтанышымыздың ең ірісі — ғылым.

Ілмектер: ғылым, мақтаныш Мұхтар Әуезов

Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)