Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Тың тұңғышы

  • admin
  • 12.06.2019
  • 0
  • 0
  • 163
Тың құнары жатты бұғып тереңде,
Дегендей - ақ "оңайлықпен берем бе?"
Қалың қыртыс, қау өсімдік қалқалап,
Дала барын қымтай берді тереңге.
Тасқын қайрат жаңа күшпен асқанша,
Жас алып қол жетіп тұқым шашқанша,
Асыл дәнді алқабына қондырып
Миллиардтың мол өнімі басқанша.
Тобыл бойы тозаң көшіп безеріп,
Шөбі қурап, жаз шаңытып кезеріп, —
Жатқан алқап егіс болып ырғалды
Дән толықсып жаңа өмірмен безеніп.
Түңғыш дәні тыңның балқып толғанда
Комбайншы Қайсар бастап орғанда,
Бір бөбектің іңгәлаған шықты үні,
Туды тұңғыш жас ұяда сол маңда.
Тыңның дәні, тыңның ұлы далада,
Туды құрдас жаңа түскен қалада,
Атын Тыңбай қойды ұланның ырымдап,
Тың түрленді, туды тыңшыл бала да.
Аты Тыңбай тыңда туған тұңғыштың,
Жас ананың жанарында тұрды ұшқын.
Гүл бөбегі дән байлығы толықсып,
Шалқиды үні шадыман әсем тұрмыстың.
Тобыл бойы той боп күнде дулайды,
Қынаменде ән менен би тыңбайды.
Балаларға салған жаңа бақшада,
Тың тұңғышы көрдім биыл Тыңбайды.
Элеватор зәулім асқар сарайды,
Тамашалап Тыңбай күнде қарайды.
"Меніменен құрдас дәннің қоймасы"
Деп те Тыңбай миллиардқа өзін балайды.

1958

Басқа да өлеңдері

Сарыжайлау

  • 0
  • 0

Сарыны жүйткіп сарыжайлау
Құлазып Арқа желіндей,
Күйінген бір үн бай - байлау
Күңіренген күйзеу еліндей.

Толық

Келешекті ал ойыңа

  • 0
  • 0

Өмірге сай өрт талап,
Серік болып жасында,
Қандай өнер сен қалап,
Алам десең қасында.

Толық

Наржан үшке толғанда

  • 0
  • 0

Үш атанды аман көріп,
Толдың үшке, Нартай жаным,
Бүгін саған бата беріп,
Ұмытты атаң қартайғанын.

Толық

Пікірлер (0)

Пікір қалдырыңыз

Серіктестер

Загрузка...