Кей кезде қорқынышты түс көремін
Кей кезде қорқынышты түс көремін,
Түлкінің боғы дейді түс дегенің,
«Апырай, не болды?» – деп сескенемін,
Сол түсім өңім болса не істер едім?!
Оянсам, өзіме өзім келе алмаймын,
Тәтті түс көрсем-ау деп қиялдаймын.
Таң ата жан-жарыма жорытамын,
Жориды жақсылыққа ол әрдайым.
Жабырқап, жан-жағыма алаңдаймын,
Сезімнің жетегіне ере алмаймын.
Өңімде көрген қызық түсім бе деп,
Кей-кейде өзіме өзім сене алмаймын.
Көргенім – таныс жандар, таныс белес,
Жырақта жатқан Шолпан, Марс та емес.
Арасы өң мен түстің жақын емес.
Арасы өң мен түстің алыс та емес.
Гүлжан
Жақсы өлең екен. Ұнады
Myrza
Өте тамаша!