Өлең, жыр, ақындар

Тағдыр толғауы

  • 11.12.2020
  • 0
  • 0
  • 927
Теректей тәкаппарға Тәкен едім,
Момынға балдырғандай бәкене едім.
Жаһанға жалғыз аяқ салдым соқпақ,
Шиырын сағынбай мен әкелердің.
Тай мініп талдан жаста болдым кезбе,
Кез келдім кейде қисық солғын тезге.
Бүк түскен бөгесіндер берісті жол
Қылыштың жүзіне ұқсас қыли көзге.
Сапардың тәуекелін барладым мен,
Қиялмен жердің шарын шарладым мен.
Отанның шаттығына салып сайран, –
Мұңына жетімектей зарладым мен.
Білгем бе ем талайыма сын керегін,
Көңілім, түссе тұман, тым зерегін?
Дауылда көп теңселтті жойқын кеме,
Бірге ердім ұлы еліме, бірге еремін!
Жіктемей аға қайсы, іні қайсы,
Тірліктің өрмегінің тіні қайсы,
Ұтыстың билетіндей шыққан жалғыз
Ақынның, енді бақсам, міні қайшы!
Теректей тәкаппарға Тәкен едім,
Момынға балдырғандай бәкене едім.
Көп көрдім жақсының мен шарапатын,
Өткелін кешерде ағат қателердің.
Жыр болып ақ қағазға құйылысым –
Атқарған көзге қораш қиын ісім.
Егіздің сыңарындай баршаңызға –
Өмірге сүйінішім, күйінішім!



Пікірлер (0)

Пікір қалдырыңыз

Қыдырма

  • 0
  • 0

Соғамын туған жерге қайта-қайта,
Бір себеп бар, тіл білмес сырын айта.
Қыдырсам өзен бойлап, жапа-жалғыз,
Көреді онымды ерсі туған тайпа.

Толық

Мұхиттағы жылқы

  • 0
  • 0

Жалдайды суға күн туса жылқы,
Малтығып демде қалады, бірақ.
Үйірдің сансыз бұзылды шырқы,
Бетінде судың, сапарда ұзақ.

Толық

Ескерткіштің бәріне

  • 0
  • 0

Ескерткіштің бәріне
Әуестенгіш жолаушым,
Жолың түссе зәуіде,
Бұрылып бәлки соғарсың.

Толық

Қарап көріңіз