Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бастағы балғын шақтың баяны ұшып

Ғалым Жайлыбай

Бастағы балғын шақтың баяны ұшып

  • 10.02.2021
  • 0
  • 0
  • 697
Бастағы балғын шақтың баяны ұшып,
Барады күндер зулап,
ай ауысып.
Сайыңнан сайран таппай
саяқ кеткем,
Қайыңнан қайран таппай
сая құшып...
Күрсінтіп,
күреңітіп күз көшеді,
Көңілім көшкен күзден із кеседі.
Елсізде еңіс қуып
ескен желдей
Елуге еру қондық біз де есебі.
Көргенім белес пе еді,
елес пе еді,
Жанымда жанған сол от неге өшпеді?..
Менсіз де өлең – дүние деп ойладым
Елсізде еңіс қуып жел ескелі.
Уақыт!
Сенің құштық саяңда арай.
Керуен көшін түзеді аялдамай.
Аялдамай...
бағытын баяндамай –
Түнгі аспанда барады аяңдап Ай...

Ғалым Жайлыбай бастағы балғын шақтың баяны ұшып Ғалым Жайлыбай өлеңдері

Пікірлер (0)

Пікір қалдырыңыз

Байғазы-жыр...

  • 0
  • 0

Мәпелер кезі туды құсты ұяның,
Сүйінші!
Самға, арманым,
Ұш, қиялым!

Толық

Ұлытауымның дара шыңында

  • 0
  • 0

Ұлытауымның дара шыңында
Ұлтыма біткен бар әлем.
Қараша айының қарашығында
«Қарғам-айлаған» қара өлең.

Толық

Алматыға Арқадан көшіп келгем

  • 0
  • 0

Қалса да өлең ауылға, бауырға ұнап,
Сан шағылды тірлікте тауым бірақ...
Көк зеңгірдің айналып ақ бұлтына,
Туған жерге нөсер боп жауу мұрат.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер