Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Асықпа

Сәкен Иманасов

Асықпа

  • 28.05.2021
  • 0
  • 0
  • 331
Шыдашы сәл-сәл, асықпа,
жанымды бекер жасытпа.
Ғашық та бол сам қайтейін,
барар жер әлі қашықта.
Болайын сенің құрбаның
мойныңды бері бұрмағын,
айтпай-ақ қойшы алдымда
тағы не күтіп тұрғанын.
Ақындар едік — күйрек ек,
қайтесің мені сүйрелеп.
Шырылдап тұр ғой жүрегім:
"тимеші бұған, тиме!"— деп.
Бар еді біраз бергенім,
бағамды білсін ел менің.
Асықтыра да көрмеші,
алдымда деуші ем көрмегім.
Бұйыра бермес жылда төр,
мына бір қызыл гүлді әпер.
Асықпа, ана жақтарда
бар сияқты ма бір қатер?! 

Сәкен Иманасов асықпа Сәкен Иманасов өлеңдері

Пікірлер (0)

Пікір қалдырыңыз

Көбейіп көлеңкелер

  • 0
  • 0

Көбейіп көлеңкелер,
күн суырда
Тағдырым айналды ма қырсығуға,—
тағы да жолықсам ба дейді көңіл,

Толық

Бейтаныс

  • 0
  • 0

Түлкідей қылаң етіп қына белден,
кім едің қыр астынан шыға келген,
жүрмін-ау қылығыңа күле де алмай,
жөніңді біле де алмай сұрап елден.

Толық

Экспромт

  • 0
  • 0

Әй, тексізім, тексізім,
не қыласың өбектеп,
сен кіретін жоқ тізім,
енді бізден — бөлек кет.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер