Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бір басымның мұңы емес торығарым

Сәкен Иманасов

Бір басымның мұңы емес торығарым

  • 31.05.2021
  • 0
  • 0
  • 271
Бір басымның мұңы емес торығарым,
елдің қамы еді ғой қорымағым,
жамау болсам деуші едім жыртығына
жөні мәлім жұртымның, соры қалың.
Құрбан етіп жолына ұятты ардың,
халқым деумен қар кешкен сияқтандым,
қаламын деп астында кім ойлаған
қарадүлей, көрсоқыр тұяқтардың.
Қарадүлей,
тыңдасын,
тұяқ кімді, —
басымды бір көтертпей ұят қылды,
қанша мазақ етерін білмейді ешкім,
барша қазақ намысы сияқты ұлды!
Қарадүлей астында бүгілем бе,
үгілем бе біржола,
түңілем бе,
қорғай алмай отырып өз басымды,
қайтіп қорған болмақпын мұғым елге!

Сәкен Иманасов бір басымның мұңы емес торығарым Сәкен Иманасов өлеңдері

Пікірлер (0)

Пікір қалдырыңыз

Қалса қарыз өтелмей

  • 0
  • 0

Қалса қарыз өтелмей,
қарғамас па ел кейін,—
бүгін өле кетердей,
күңірене бермейін.

Толық

Балалық шақтай кешегі

  • 0
  • 0

Балалық шақтай кешегі
бұлдырап барып жоқ болған,
ол да бір ғажап кеш еді
жаныма өшпес от қонған.

Толық

Жақсылық туралы жыр

  • 0
  • 0

Елу деген,
Жақсылық-ау, елу деген не деп ең,
айналаңа қарау шығар енді шыққан төбеден, —
Елу деген — арғымақ жас ауыздықпен алысқан,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер