Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бұталар арасымен аңдып, аңдап

Жұмекен Нәжімеденов

Бұталар арасымен аңдып, аңдап

  • 14.06.2021
  • 0
  • 0
  • 371
Бұталар арасымен аңдып, аңдап
жүр, міне, ақ самайлы таң қылаңдап.
Көргенім ақ әженің шашы болды
оңаша тротуармен қаңғығанда.
Жанымды темекі мен қайғы ыстаған
жарқ еткізді ақ аспан айна ұстаған.
Біреулер шертіп жүрген маңдайымнан
сипады еміреніп байғұс самал.
Аузында қара түйме-кілт қақпаның
неғылсын жүректе үміт-жылт жатқанын,
...Кенеттен ағараңдап ақ балтыры
Күн сұлу шықты кешіп бұлт батпағын.

Жұмекен Нәжімеденов бұталар арасымен аңдып аңдап Жұмекен Нәжімеденов өлеңдері

Пікірлер (0)

Пікір қалдырыңыз

Қызыл сөз, неліктен сұйықсың...

  • 0
  • 0

Қызыл сөз, неліктен сұйықсың,
Көзінен өткендей селдірдің.
Қара көз, неліктен тұйықсың,
Өзіңе кімдерді сендірдің?

Толық

Бестармақ

  • 0
  • 0

Қара түнгі найзағайдың жарқылы
өтетұғын сықылды мен арқылы.
Содан шығар, содан шығар жарқыным:
қара суға қайық салдым — қалқыды,

Толық

Нөсерден соң

  • 0
  • 0

Бәлкім, мұңды хал шығар —
тал көз жасын іркіп тұр.
Көзі шатынап тамшылар
әлденеден үркіп тұр.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер