Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Көзiмнен сырғып лағыл жас

Исраил Сапарбай

Көзiмнен сырғып лағыл жас

  • 22.06.2021
  • 0
  • 0
  • 562
Көзiмнен сырғып лағыл жас,
Көкiрегiм сыздар, күрсiнсең.
Қарақат көздi қарындас,
Жайыңды айтшы, кiмсiң Сен?
Алдыңа салып уақытты,
Алданып жүрген жанбысың?
Азғантай ғана бақытты
Малданып жүрген жанбысың?
Жалғанға нəзiк үмiттей
Жалғанып жүрген жанбысың?
Береке, құты бiрiкпей
Жан бағып жүрген жанбысың?
Тиянақ, тағат таба алмай,
Толғанып жүрген жанбысың?
Қияға қанат қаға алмай,
Қомданып жүрген жанбысың?
Көзiмнен сырғып лағыл жас,
Көкiрегiм сыздар, күрсiнсең.
Қарақат көздi қарындас,
Хабарыңды айтшы, кiмсiң Сен?..

Исраил Сапарбай көзiмнен сырғып лағыл жас Исраил Сапарбай өлеңдері

Пікірлер (0)

Пікір қалдырыңыз

Егіз лебіз

  • 0
  • 0

Жұпарын сеуiп жаныма
Жапырағын көктем жайған кез
Жүрегiмдi ұстап қолыма
Алдыңнан шықтым, Айнамкөз.

Толық

Қара мысық

  • 0
  • 0

Тағы өттің-ау алдымнан, қара мысық?
Сенен гөрі жақсы еді бала күшік.
Мен барғанша төрінде қу сайқалдың
Отырмасын бір сабаз шарап ішіп?..

Толық

У-зəрді жалғыз ғана мен ішем бе?

  • 0
  • 0

У-зəрді жалғыз ғана мен ішем бе? –
Жүректің жүдеп жүрген емі сенде.
Көрмеймін дегеніңе көнемін бе,
Келмеймін дегеніңе келісем бе?

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер