Өлең, жыр, ақындар

Махаббат назы

  • 21.10.2021
  • 0
  • 0
  • 694
Аялағаным, саялағаным, бағалағаным бағыма,
Еркелей басып, құшағыңды ашып, жақындау келші жаныма.
Еркіңе көнбей, толқыған көлдей, шалқыған желдей, шіркін­-ай,
Өзіңе мәлім өмірдің әнін қозғашы, жаным, сағына.

Қайырмасы:
Сәттері қандай,
Тәтті еді балдай,
Әттең­ай, сол бір таңдар-ай!
Арман­ай!

Сенген ардағым, таңдап алғаным, қонған арманым қолыма,
Жанымның нұрын, көңілдің гүлін төсейін жүрер жолыңа.
Басыңда тұрмай, жығылған тудай, жүгірген судай, шіркін­ай,
Өткенше дәурен, ризамын, сәулем, қасымда сенің барыңа.

Қайырмасы.



Пікірлер (0)

Пікір қалдырыңыз

Суығыңа тоңбас ем

  • 0
  • 0

Суығыңа тоңбас ем,
Жүрегіңді куә ғып.
Күтпесің бар, сонда сен
Неге қалдың мұңайып?!

Толық

Тауларым менің еңсесі түсіп көрмеген

  • 0
  • 0

Тауларым менің еңсесі түсіп көрмеген,
Бауларым менің сарғайып әсте сембеген.
Көкала қырда көсіле жатып ән шырқап,
Кең жазирама көз жіберемін көлбеген.

Толық

Ағаны жоқтау

  • 0
  • 0

Ағатай, қалай түстің көрге мұздай?
Өмірің болды бізге енді аңыздай.
Қасқайып көшті бастап жүруші едің,
Күңіреніп көкірегің нар қобыздай.

Толық

Қарап көріңіз