Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сансыраған хал

Темірхан Медетбек

Сансыраған хал

  • 24.06.2022
  • 0
  • 0
  • 230
Бүгiнде
Өз жерi мен өз елiнде
Тiлiм мен дiлiм
Екi бүктелiп
Бүкшиiп тұр.
Озбыр пейiл мен
Зұлым пәрменнен
Жан-жүрек шошынып
Тiксiнiп тұр.
Әне бiреулер –
Өтiрiктi
Қардай боратып
Сапырып жатыр.
Құдай-ай,
Құдай-ай! –
Арыстай азаматтар
Оққа байланып
Атылып жатыр.
Соларды ойласам
Санам сарсылып,
Жан-жүрегiм
Ала-құйын
Дауыл боп кетедi...
Бәрiнен безiнiп
Төсегiме құласам –
Жамылған мамық көрпем
Қабiрдiң топырағынан да
Ауыр боп кетедi.

Темірхан Медетбек сансыраған хал Темірхан Медетбек өлеңдері

Пікірлер (0)

Пікір қалдырыңыз

Меңдеш Салихов

  • 0
  • 0

Меңдеш,
Мен үшін сен
Жұрттан бөлек,
Елден ерек

Толық

Сауап

  • 0
  • 0

Тұла бойы тұңған тарих,
әңгiме,
көрген талай мұң-қайғыңды,
шердi де.

Толық

Шөл

  • 0
  • 0

Шөл бар менде Қызылқұмдай аптаған
өртеп менi ыстығына қақтаған.
Мүмкiн емес өлшеу оның аумағын,
сыйып кетер оған теңiз, тауларың...

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер