Өлең-жыр байқауы

Астана

  • admin
  • 03.03.2017
  • 0
  • 3
  • 6472
Астанам! Ару қалам, асқақ ордам,
Қалың жұрт, қазағыма қақпа болған.
Ту ұстап, тұлпар мінген бабаларым,
Бермеген ел намысын жатқа қолдан.

Бозоғым, бозбеткейлім, баққа оранған,
Тарихтың қойнауынан тапқан олжам.
Баянды бақытымның бастауындай,
Айналдың Астанаға аппақ арман...

Жар болып Жаббар Ие жалғыз ғана,
Ғасырға аяқ бастық ал біз жаңа.
Сұрланып сырт айналған суық көздер
Қарайды әлі саған сәл қызғана.

Көш келді Қараөткелге өр тұлғалы,
Кеңесін ерлерімнің ел тыңдады.
Тұлғасы бой көтерді Хан Кененің
Жарасып жарқ-жұрқ еткен ер-тұрманы.

Ертеңің ұлтын сүйген ұлыңа сын,
Қашанда еркіндіктің құны басым.
Керіліп кербез далам көсіледі,
Сезініп бостандықтың шұғыласын!

Сан ғасыр армандаған Алаш бабам,
Жалғанды жалт қаратты жаңа Астанам.
Бірлікті байрақ етіп болашаққа,
Барайын, уа, Жаратқан, жол аш маған!

Басқа да өлеңдері

Арқаттағы біздің үй...

  • 0
  • 0

Ауыл. Түнді жамылып ап,
Түгел тылсым көшке еретін.
...Біздің үйдің шамы бірақ,
Бәрінен де кеш сөнетін.

Толық

Әдеп

  • 0
  • 1

Бір ғұлама, тәрбиесі тым бөлек,
Шәкірттердің қарсы алдына бірде кеп.
Түзу сызық сызып қойып тақтаға,
Сынақ болар сұрақ қойды «Бұл не?» – деп.

Толық

Алланың бары ақиқат

  • 0
  • 1

«Алладан басқа жоқ Тәңір,
Мұхаммед – оның елшісі».
Соны айтып жаннат баққа кір,
Иманың – жанның емшісі.

Толық

Пікірлер (3)

Альбина

Керемет олен

Майя Джумашева

Менің ойымша бул өлеңдерді бәрі бәрі керемет. Бірақ сіздердің өлеңдеріңізге эмоция жетпей жатыр. Мысалы мен мынадай өлең шыгардым. Өз ұйымнан тыңдаңыздар. Астана менің елім менің жерім. Оған. Мен гүл сыйлайтын асқақты елім Ешқашан көркіңнен айырылма әрқашан адамдарды тарата бер деп мен өз эмоциямды қостым Осындай болмайсыздар ма вахахахахахазахахахахахахахахахахахахахаххахаахахаха

Шадияр

Ең күшті өлең

Пікір қалдырыңыз

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)