Ақындардың тағдыры

Осы жұрт не біледі ақын жайлы,
Ақынды әрине олар мақұлдайды.
Ал менің ақын жайлы пікіріме,
Байқаймын көп адамдар қосылмайды.

Неге ақын басқалардан дара туған,
Неге олар адалдықтан жаратылған.
Ақынды мықтылығы азамат қып,
Ақынды алтын құрсақ ана туған.

Сондықтан олар жайлы не айталам ,
Ақынның адалдығын көп байқағам.
Мен нағыз ақындарды оқығанда,
Жанымды тыншытатын бір күй табам.

Болама ақын жайлы топшылауға,
Болмайды артық сөзге көп шыдауға.
Адамның ең алғыры сол болғанмен,
Кейде оны түсінбейді жақсылар да.

Жарып түскен жарықтай қара түнді,
Мұқағали тым асқақ болатын-ды.
Ақырында арманнан ақын өлді,
Ажалына кім оның ара тұрды.

Неге өледі ақындар тым ертерек,
Ажал келді жүгіріп ол да ентелеп.
Ақырында ақкөңіл ақындарда,
Даласына кетті ғой бір еркелеп.

Өмір,өлім сәт сайын белдеседі,
Ақындардың қайғысын көрмес еді.
Ақын әулие болмаса бұл әлемде,
Ажалына тым асығып өлмес еді.

Солар еді өлеңнің қожасы да,
Солар еді адамның тазасы да.
Осы жырым арналсын дұға болып,
Арманда өлген ақындар қазасына.

Басқа да өлеңдері

Уақыт, өмір, бақыт

  • 2
  • 2

Уақыт - бұзық бір қарамай обалға,
Бір күндері бізді бәлкім тонар ма?
Мен өмірге енді оралып келмеймін,
Мүмкін соның өзі қызық болар ма?

Толық

Топтан озған тарлан боз

  • 2
  • 4

Топтан озған тарланбоз
Сүрініп кетпес демеңіз.
Есепсіз жиған байлығың
Сұраусыз өтпес демеңіз.

Толық

Мемелекеттік рәміздер мақтанышым

  • 2
  • 0

Мақтанамын, марқайамын мен сенмен,
Ғасырлардың қиындығын еңсерген.
Қазағымның төріндегі жалаулар,
Мәңгілікке қаларына мен сенем.

Толық

Пікірлер (2)

Romaww

Керемет туынды шығыпты жарайсың

asem77

Рахмет ! Рахмет!

Пікір қалдырыңыз


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)