Өлең-жыр байқауы

Сағыну

  • admin
  • 12.07.2018
  • 0
  • 0
  • 671
Жан-жағыма қараймын,
Жалғызбын мен, жалғызбын.
Серігі бар талайдың,
Бар сүйгені әркімнің.
Жан жабырқау қиналам,
Қызғанам, жаным, өзгеден,
Бар бір кісім қимаған,
Алыста сол сүйгенім.
Көптен бері барғам жоқ,
Күйігімен өртендім.
Енді шыдар дәрмен жоқ,
Ойлай-ойлай дерттендім.
Жүруге енді қалмасқа,
Билет алып отырмын.
Көкіректі отқа,
Көз жасқа
Жылай-жылай толтырдым.
Енді кетем тұрмаймын,
Ертең-ақ бет түзермін.
Енді көрмей тұрмаймын,
Атсыншы таң — іздермін.
Сонау таныс қаланың,
Мешіттерін көремін.
Сонау таныс жағаның,
Көркін көрсем не дермін?
Көзім көрген сол қала
Жылы ұшырар өзіме, іздеген жан табар да,
Жолығамын өзіңмен.
Жолыққанда өзіңе,
Қарармын-ау көзіңе.
Тоярмын-ау нұрыңа,
Қанармын-ау сөзіңе.

1932 жыл

Басқа да өлеңдері

Tалғамалар

  • 1
  • 0

Бірді жесең, майды же!
Аузында тұрсын жылтылдап.
Бірді мінсең, жүйрік мін!
Астында тұрсын жылпылдап.

Толық

Ғазизаның аузынан

  • 1
  • 0

Ғазиза - менің атым, затым әйел,
Алла алса, арманым жоқ жанымды аяр.
Ел надан, еңбек білер ешкімім жоқ,
Мұң айтып, наз шаға алмай, өсек жаяр.

Толық

Үш бұлақ

  • 0
  • 0

Дүниенің шетсіз, шерлі даласынан
Үш бұлақ ағып жатыр Сыр жағынан.
Жастықтың бұлағы — асау, сылдыр қағып,
Мөлдіреп, ағып, қайнап, тез тасыған.

Толық

Пікірлер (0)

Пікір қалдырыңыз

Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)