Өлең-жыр байқауы

Төрт жолдар

  • admin
  • 19.03.2019
  • 0
  • 1
  • 241
***
Қаншама биік ұшқанмен
Қонбассың қалай ұяңа?
Қаншама құшақ ашқанмен,
Дүние түгел сия ма?
***
Көңілге дәрмен береді,
Сүйген жар, туған перзентің.
Достың да көп қой көмегі,
Оларсыз адам бір жетім.
***
Тілің қанжар, кеудең көрік болса да,
Басыңа кеп өшпес дәулет қонса да,
Бишарасың сүйер жарың болмаса,
Бишарасың сенер жаның болмаса,
***
Болса ісің қиын-ақ,
Болдырған ісің бұйым - ақ.
Жадырап, жайнап жүресің
Жаныңа шаттық жиып ап.
***
Сескенем кәзір күзден мен,
Сескенем сұрғылт түздерден.
Көбірек жүргім келеді,
Жаздағы жылы іздермен.
***
Күзгі жауын суықтау,
Жазғы жауын жылы еді.
Қар да жауар жуықта,
Мұздай берер күн енді.
Мұз болшы, қатыршы қанымды,
Тырп етпей қасыңда қатайын.
От болшы, күйдірші жанымды,
Күлің боп қасыңда жатайың.

Басқа да өлеңдері

Дәужаннан Ленинге хат

  • 0
  • 0

Жолдас Ленин екеуміз
Түйдей құрдас екенбіз.
Өмір болса екеуміз
Жүзге бірдей жетерміз.

Толық

Еліктеу

  • 0
  • 0

Құмарлық үшін бір күндік
Жүгірдік келіп жүгірдік.
Құмарлық оты ұшты тез,
Жел көңілден түңілдік.

Толық

Осы мен

  • 0
  • 0

Осы мен қартайдым ба, кәйттім білем?
Бұлдырар көз әйнексіз көзім кілең.
Даусымның жоғалтыппын сыңғырлағын,
Сұрғылттау, сұңғылалау тартып рең.

Толық

Пікірлер (1)

Арайлым

Керемет екен рахмет

Пікір қалдырыңыз