№76  жалпы білім беретін мектептің

қазақ тілі мен әдебиеті пәнінің мұғалімі:

Көрегенқызы Ардақ

Күні:

Пәні: қазақ тілі

Сынып:

5  сынып

Сабақтың тақырыбы:

Бақшада

Сілтеме :

Жоспар, оқулық, әдістемелік нұсқаулық, оқу бағдарламасы.

Сабақтың

мақсаттары:

• «Бақшада» тақырыбына байланысты жаңа сөздерді және сөздердің мағынасын меңгерту, мәтінді оқыту арқылы ауызекі сөйлеу тілін дамыту, сурет бойынша әңгімелеу, оқушылардың белсенділігін, таным, ізденімпаздық қасиеттерін арттыру, ой-өрісін дамыту. 

• Көкөністердің айырмашылығына айта отырып, ой-өрісін кеңейту, комуникативті дағдысын қалыптастыру, оқушылардың белсенділігін, таным, ізденімпаздық қасиеттерін арттыру.

• Адамгершілікке, еңбектенуге, ізденуге, білімді табандылықпен игеруге, өз ойларын еркін жеткізе білуге тәрбиелеу, .

Оқыту нәтижесі:

• Табиғат көрінісімен таныстыру  барысында ойшақыруды тірек ете отырып,монологтік әігімелесу дағдысын қалыптастыр.

• Өз бетінше ізденуге, оқушылардың жұмыс жүргізе білу  дағдысын қалыптастырады.

• Сөз тіркестерін сөйлемдерде дұрыс пайдалану, оқушылар өз бетімен жұмыс істеуге үйренеді, уақытты үнемді пайдалануға үйренеді. 

Сабақтың көрнекілігі:

 Интерактивті тақта, слайдтар, бейнефильмдер, дидактикалық материалдар, флипчарттар, кесте.

Сабақтың барысы

Ұйымдастыру кезеңі:

1- әрекет.      3 минут

сәлемдесу,  түгендеу, балалардың назарын сабаққа аудару;

•          сәлемдесу, түгендеу;

•          сыныптың психалогиялық ахуалын қалыптастыру: «Шаттық шеңберін» құрғызып бір-біріне есімдерінің бас әріптерін қатыстырып  тілектер айтады. Мысалы: Жәнібек- жақсы бала,  Максим- мықты оқушы, Лера-лайықты оқушы, Аделья-адал қыз. Евгения-ерікті қыз, Инабат- -ибалы қыз, Жантемір-жан досым, Ильхам-инабатты бала, Данил-дарынды бала.

2-әрекет. 3 минут

Жаңа сабақ. Ой қозғау (түрткі тастау).

• Балалар, қазір қандай сабақ?

• Қазақ тілі сабағында біз не істейміз?

• Жарайсыңдар, олай болса, бүгінгі сабақта сендерге сәттілік тілеймін!

• Жақсы, балалар, енді бәріміз тақтадағы суретке назар аударайық. (Слайдтан суретін көрсетемін)

• Суреттен қай жыл мезгілін көріп отырсыңдар?

• Көктемде күн қандай болады?

• Балалар, мына суретте Айбек пен Сәуле  қайда келе жатыр?

• Дұрыс айтасыңдар, бақшада не өседі екен?

• Көкөністер, жеміс-жидектер адамға пайдалы ма?

• Ал енді, балалар, қараңдаршы, олар бақшада жүрген кезде қатты жаңбыр жауады, жел соғады. Қанеки енді ойланып көрейікші, олар енді не істейді? (ситуациалық жағдайат беру).

• Дұрыс айтасыңдар, олар үйлеріне қайтады . Дала суық. Жаңбыр жауып тұр. Ал енді біз бағбан атайдың бағына барамыз. Онда жылы, жаңбыр жоқ.

• Сонымен бүгінгі сабақтың тақырыбы «Ғажайып бақ» деп аталады. Сабағымыздың мақсаты: өз білімімізбен, талабымызбен бағымызды ғажайып баққа айналдыруымыз керек.      

3-әрекет.  3 минут

Топқа бөлу.

• Бірақ бұл баққа кіре алмаймыз. Баққа кіру үшін бағбан атайдың шартын орындаймыз. Ал оны мына  бір алманың артына жасырыпты. Қане алып көрейікші (онда жұмбақ жасырылған, балалар сол жұмбақтың шешуін табады.)

• Жарайсыңдар, балалар , бағбан атайдың шартын орындадық. Енді баққа кіруге  кіруге болады. Балалар , қараңдаршы, атайдың бағында көп жемістер және бақшада көкөністер бар екен.

• Мына көкөністердің суреттері арқылы топқа бөлінеміз. (Сәбіз, орамжапырақ, қияр). Әр оқушы алған көкөністері суреттері бойынша топқа бөлініп,орындарына отырады.

• Әр топ бір-біріне жақсы тілек тілейді. (Слайдтан көрсетемін)

• Әр топқа бағалау парағын таратып беремін.

4- әрекет. «Таңғажайып топтар» ойыны    5 минут

Мағынаны тану.

• Ал енді, мына суреттерді 3 топқа таратып беремін. Қане, білетін көкөністерді еске түсірейікші. (Балалар таратылған суретке қарап атауларын айтады, өздері білетін  басқа көкөністердің  суретін стикерге салады)   

Жабдықтар:

•          Суреттер

•          Стикерлер, түрлі- түсті қарындаштар

А) Әр топ оқушылар бөлініп берілген суреттердің атын жазып, жаңа ақпаратпен танысады. Әр топтан түскен ойларды стикерге түсіреді. (Тыңдау, баяндау, толықтыру, суретін салу)

Ә)  Әр оқушы жеке, жұппен, топпен ортақ пікірге келу. Берілген тақырыпты топ ішінен тілші қорғайды.

5-әрекет:

 «Таңғажайып жаңа сөздер» ойыны    5 минут

• Енді, біз жаңа сөздермен танысайық. (слайд арқылы жаңа сөздерді көрсетемін)

• Осы жаңа сөздермен әр топ екі сөз тіркесі, бір сөйлем құрастырады.  (дәптерлеріне орындап алады)

6-әрекет:   3 минут

• Балалар, мынаны қараңдар, атайдың бағында кітап жатыр. Бұл қандай кітап  екен? Бұл біздің «Қазақ тілі»  кітабымыз екен.қане, осы кітапты ашайықшы. Онда мынадай тапсрмалар беріліпті: 124- беттегі. 1-жаттығу.

• Содан соң мәтінмен жұмыс жүргіземін.

-  Ең алдымен өзім 1 рет мәнерлеп оқып шығамын.

-  Оқушылардың өздеріне оқытамын.

 7-әрекет: Топтық жұмыс. «Таңғажайып аялдама» ойыны.   8 минут

Орамжапырақ, сәбіз, қияр топтарына ортақ тапсырма беріледі. Тапсырманы флипчартқа орындайды.  Мәтін бойынша өз ойларын флипчарт бетіне түсіріп, уақыты аяқталған соң әр топ мүшелері шығып қорғайды.

8-әрекет: «Білімділер қоржыны» ойыны. 5 минут

 Әр топ мүшелері берілген әртүрлі тапсырмаларды орындайды. Тапсырманы арнайы таратылған парақшаларға орындайды.

І-топ: Кестені толтыру: Кітапты жауып қояды, мәтіннен түсінгендері бойынша кестені толтырады.

2-топ: Лексикалық тест    (артық сөзді сызып таста)

3-топ:  Сөздерді сәйкестендір

 Біздің                     су

Тәтті                        орамжапырақ

 Дәмді                       бақша

Үлкен                      қарбыз

Таза                         қызанақ

Рефлексия:  7 минут

 «Екі түрлі түсініктеме күнделігі»

« Көңіл күй күнделігін» толтыру.

Критериалды бағалау .

Үйге тапсырма:  3 минут

1. 124-бет. 5-жаттығу. (берілген сөздерді пайдаланып, «Менің бақшам» тақырыбына әңгіме жазып, суретін салып келу.