Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Таңғы ырзық

Тәкен Әлімқұлов

Таңғы ырзық

  • 11.12.2020
  • 0
  • 0
  • 423
Құшағынан қызғанып түннің,
Шымшиды мені жеңгесі жырдың.
Алдынан шығып айдарлы күннің,
Арайлы таңмен табысып жүрмін.
«Ырзыққа таңғы» артпаған үміт, –
Шошыған бұрын шығуға жолға.
Аталар мың жыл сақтаған үміт,
Жол жүрсең, қонар құс болып қолға!
Жетімдік зарын шектім мен жастай,
Ризық таңғы табылды жұрттан.
Толықсып енді өлеңге мастай,
Баршаңа жырды сыйлаймын сырттан.
Пейілімде менің – жеріңдей кендік,
Жетімге талшық меймандос елім.
Жүрегім, жаным түгелдей сендік,
Жүгіңнен жолда майыспас белім!

Тәкен Әлімқұлов таңғы ырзық Тәкен Әлімқұлов өлеңдері

Пікірлер (0)

Пікір қалдырыңыз

Асылып сен иығымнан

  • 0
  • 0

Асылып сен иығымнан,
Ішсең шампан, еркесің.
Күлемін мен миығымнан,
Шертіп сөздің келтесін.

Толық

Сарнаған сары жазда сары аурудай

  • 0
  • 0

Сарнаған сары жазда сары аурудай,
Ақ қыста ыңқылдағап кәрі аурудай;
Қажайды көңіл қамын қамсыз түнде
Шалғайдан талмаураған сазды сырнай.

Толық

Туған жұрт, менің жырым – баршаңызда

  • 0
  • 0

Туған жұрт, менің жырым – баршаңызда,
Ақ қайың, ал-қара көк аршаңызда.
Үйреткен табиғаттай кең болуды,
Атырау, ақ селеулі Арқаңызда.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер