Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Қылдырықтай өкшелі

Сәкен Иманасов

Қылдырықтай өкшелі

  • 14.07.2021
  • 0
  • 0
  • 264
Қылдырықтай өкшелі,
бұлдырықтай бөкселі,
сені мендей сүйетін жер үстінде жоқ сері,
оған куә —
кешегі Көктөбенің етегі,
балтырыңа жабысып жатып алған көк шөбі.
"Мың бір түннен" білетін
мықындысы Мысырдың
шеніңе де келмесін
шешіндірмей түсіндім.
Ермін деген еркекті емексітіп баладай,
майшабақтай еріткен,
Мадонна-қыз мүсіндім!
Қынабынан суырған қылыштай-ақ бір өткір,
қия жаздап мойнымды,
қия жаздап білек тұр.
Қаз омырау, қайқы бел,..
арғы жағын айтуға,
ауыз бармай,
амалсыз,
қала берді
жүдеп тіл.

Сәкен Иманасов қылдырықтай өкшелі Сәкен Иманасов өлеңдері

Пікірлер (0)

Пікір қалдырыңыз

Қилы күндер

  • 0
  • 0

Кешелер мынау аспанды
тұрғандай едім мен тіреп.
қилы бір күндер басталды,—
тірлігім кетті тентіреп.

Толық

Жасамай саған ғұмыры айбар

  • 0
  • 0

Жасамай саған ғұмыры айбар,
жатып атқанға не дерсің?
Жұтынып тұрса сұмырайлар,
жұртым-ау, кімге сенерсің?

Толық

Балалық шақтай кешегі

  • 0
  • 0

Балалық шақтай кешегі
бұлдырап барып жоқ болған,
ол да бір ғажап кеш еді
жаныма өшпес от қонған.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер