Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сағыныш

Несіпбек Айтұлы

Сағыныш

  • 18.10.2021
  • 0
  • 0
  • 928
Сағындым сені,
Сағындым сені,
Көңілдің шері
Тарқамай.
Аңсаған кезде,
Өзіңнен өзге,
Көрінбес көзге,
Сүйген қалқам­ай!

Қайырмасы:
Мөлдір шықтайсың,
Естен шықпайсың,
Қанатым сынғанша,
Жүрегім тынғанша.

Соғады сен деп,
Соғады сен деп,
Лебіңе шөлдеп
Бұл жүрек.
Өтеді дәурен,
Өртенер кеудем,
Келсеңші, сәулем,
Гүлдей үлбіреп.

Қайырмасы.

Сен мені сөкпе,
Сен мені сөкпе,
Өкпелеп текке,
Жалғанға.
Жылатқан неше,
Айырған кеше,
Қосамын десе,
Тағдыр таңғалма!

Қайырмасы.

Несіпбек Айтұлы сағыныш Несіпбек Айтұлы өлеңдері

Пікірлер (0)

Пікір қалдырыңыз

Өмірім бар...

  • 0
  • 0

Өмірім бар өзгеден сыр бүкпеген,
Өрге тарттым,
Біресе сырғып төмен.
Таудан аққан бұлақтың толқынындай,

Толық

Наза

  • 0
  • 0

Қайқы мүйіз тағдырға
Тайқы маңдай соғылды.
Қан аралас жаңбырға
Қарашығым шомылды.

Толық

Егер

  • 0
  • 0

Бола қалса қос құлағым тас керең,
Ыммен ұғам, жасымаймын әсте мен.
Соқыр болса екі көзім көнемін,
Онда көкірек сәулесімен көремін.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер