Жаратылған кісіліктен

Бәйкеңді —
Әшімұлын сексендегі
Айтсам мен түсінікпен тек сендегі,
Болған ол Ел ағасы белді бедел
Миллиард пұт дақылындай ексе еңбегі.
Қасына қаны қарсы, досына жақ
Өлeңiм өз айтарын қосып өзі-ақ.
Қансырап сұм соғыста неше дүркін
Өліп те тірілген дер осы қазақ.
Өзімдей өліп қайта тipiлгeндi
Сен айт деп мазалаймын пірімді eндi.
Өлмедік, —
мен ақын, ол әкім болып
Риясыз сүйеп кeлдiк сүрінгенді.
Жә, енді бөлінеміз осы арадан,
Ақынды демесек те осал адам.
Шын әкім шарапаты нұрын шашпақ
Әр үйге шаңырақтан, босағадан.
Білеміз, талай бекзат сынға түстi,
Iciнe сона-ау жақтан сұм қатысты.
Сонда да талай тарлан алты алашқа
Қалдырды баға жетпес қымбат icтi.
Әрине, жарамсақ та сынға түcтi,
Қылам деп қайтсем риза күнбатысты.
Өзіне жұртын итше талатсам деп
Темірден жасатты сұм құлға тicтi.
...Бәйкеннің соқа басын сұм ажалдан
Тіленбей, құдайдан жұрт сұрап алған.
Елді ол он алты жыл басқарғанда
Не қилы шықты қатал сынақ алдан.
Рас, ол илікпеді жарамсаққа,
Көбіміз жарамсақтау жаралсақ та.
Димашқа ipi достың iciн қылды
Жер-сұра жат пейілі жаман шақта.
Білген ол қан төгісте бұзақыны,
Қымбатқа түскен ашу-ыза құны.
Кезінде Кремльге кіріптарлық
Сабырмен үлкейтті оны өз ақылы.
Eгін сап, малын баққан өpicтeгi
Өз жұртын өле сүймек борыш деді
Қызғыштай қыз бен ұлды қорғаса бұл
Құптады өз тегіндей орыс тeгi.
Өнердің ара тұтып әр тебесін
Өсірді жас таланттың мәртебесін.
Біз барсақ қуанатын, ықтыратын
Шалқайып қабылдаудың шарт емесін.
Қашпайтын телефоннан төpeciнiп,
Соны ойлап, бүгінгінің өресін ұқ.
Бұл күнде көмекшінің өзi құдай,
Қойған соң қол жетпеске оны өcipiп.
Сәттерде ар-намысты бepicпeгeн
У да жоқ бұл секілді ер ішпеген.
Соры көп сол күнде де естімедік
Бip сыбыс Бәйкен ici тepic деген.
Бәкен де дүние шарлап дүркін-дүркін,
Баршаға бар деп кeлдi үлкен жұртым.
Жауабы зиялылар сауалына
Мың мәрте қайталанды бip күн, бip түн.
Бақ пен тәж Бәйкен үшін қара жұмыс,
Өйтпесе дүние қараң қалады-мыс.
Әлі де әке Ағзам құлағына
Береді ауыл, село, қала дыбыс.
Жарасқан бip құдайға дербес epiк,
Бақыт келін Бәйкендей ерге cepiк.
Аруда арман бар ма шарықтаған
Мәрт сұлтан мәртебесін елге ceнiп?
Сонша ic, сонша терең түсінікпен,
Қолына нағыз бақыт құсы іліккен,
Бәйкен бұл атын ұрпақ ұмытпастай,
Бәйкен бұл жаратылған кісіліктен!

---