Эссе және өлең-жыр байқауы

Шәйір және шаруа

  • admin
  • 10.12.2015
  • 0
  • 2
  • 6405
Жасырмаймын;
Мен аса
Шеттеу кетпей тегімнен,
Шәйір болып тумасам,
Шаруа болар едім мен.
Артық нәрсе шашылып
Жатпас еді ауламда.
Мәз болар ем
Ғашығым
Күнде сиыр сауғанға.
Солай бол деп әр үйге
Берер едім тәрбие...
Байлар едім, әрине,
Бір түйе мен бір бие.
Шырағындай қаланың
Сөнбес еді от бізде.
Тоқтамас ек
Баланы
Он-он беске жеткізбей!
Қауын-қарбыз бақшамда,
Қай кезде де май ішім...
Орда болып ақшамда
Отырар ек шай ішіп.
Өзенге ау құрар ем,
Мініп барып торыма.
Ақша салып тұрар ем
Бейбітшілік қорына.
Құмарлардың ғажапқа
Болар едім ермегі.
Олар: "Мынау қазаққа
Ұқсамайды!" дер ме еді?!
Мен сол сөзге қосылмай,
Күдіктерін жояр ем.
"Нағыз қазақ осындай
Болады деп қояр ем.
Қайткенде де, қарағым,
Мен шындыққа жуықпын.
Ақылымен шаруаның
Ақын болып туыппын!

Басқа да өлеңдері

Сен тұрған үйдің тұрғыны

  • 0
  • 0

Сен тұрған үйдің тұрғыны —
Көршіңе бәрін бересің.
Оның да бірақ бір күні
Оңбағандығын көресің.

Толық

Мың жұлдызы бар болса да...

  • 2
  • 13

Мың жұлдызы болса да, байқамайсың басқаны,
Бір жұлдыздан тұрады, махаббаттың аспаны.
Сол бір жұлдыз жанады, сол аспанды жарық қып,
Жарықта да түк көрмес ғашық болған жарықтық!

Толық

Немене?

  • 0
  • 0

— Ызыңдаған немене?
— Ағаш кескен ара ғой,
Балтаңды ал да бара ғой!
— Гуілдеген немене?

Толық


Пікірлер (2)

сара

тамаша

марал

Кушти керемет
Маган катты унады

Пікір қалдырыңыз

Серіктестер

Жүктелуде...