Өлең, жыр, ақындар

Қызыл жұлдыз

  • 05.08.2022
  • 0
  • 0
  • 1121
Қызыл жұлдыз маңдайында ерлердің,
Үкіметі совет-кеңес елдердің.
Қызыл жұлдыз — еркін еңбек таңбасы,
Туы қызыл, күні қызыл жерлердің.
Қызыл жұлдыз жең сыртында білекте,
Қызыл жұлдыз алда, мақсұт-тілекте.
Қызыл жұлдыз — шын батырдың белгісі,
Сыртқы түсте және ішкі жүректе.
Қызыл жұлдыз алыс аспан — көкте еді,
Неше жүз жыл созса да қол жетпеді.
Енді қолда алтын таңның шолпаны,
Шолпан бұрын біздің қолға кеп пе еді?
Қызыл жұлдыз — адамзаттың шырағы,
Шырағы бар ердің көзі қырағы.
Ұзақ жолда шырақ алда тұрғанда,
Біліне ме жолдың алыс, жырағы!?
Қызыл жұлдыз кең советтің түрінде,
Және ішкі жүрек пенен үнінде.
Маркс, Ленин салған жолы әлі ұзақ,
Түссең жолға, жұлдыз қолда, ерінбе!

1924 жыл, 15-ақпан, Орынбор



Пікірлер (0)

Пікір қалдырыңыз

Маузер

  • 0
  • 0

Ұлы Октябрь күнінің
Он екінші тойында,
Паш етейін бір істі
Көптен жүрген ойымда:

Толық

Қоштасқан жер

  • 0
  • 0

Жан жолдac! Ұмытылмас қоштасқан жер.
Сөздерің емес тіпті естен кетер.
Көзіңе жас кеп толған сұрың қашып,
Мен келіп, хош дегенде қолыңды бер

Толық

Қырда

  • 2
  • 4

Күңіреніп қырда отырып көкірек кернеп,
Ән салдым домбыра алып ырғап, тербеп.
Аузымнан өлеңімді қағып алып,
Ызыңдап кетті жаттап асау жел кеп.

Толық

Қарап көріңіз