Өлең, жыр, ақындар

Бақытына ұқсамайтын басқаның

  • admin
  • 05.01.2024
  • 0
  • 0
  • 109
Бақытына ұқсамайтын басқаның,
Бақытым бар,
Бақытсыз деп қашпағын.
Кештеу келіп өмірімнің көктемі,
Кешеуілдеп шешек ата бастадым.
Қаңтар айы қаһарлылау болды да,
Біле алмастан жүрдім онды-солды да.
Сүрлеуменен,
Соқпақпенен бел асып,
Енді таптым армандаған жолды да.
Арман жолы, бірақ оңай емес-ті,
Ұйытқып соғып қарсы алдымнан жел есті.
Жету үшін шарықтайтын шыңыма,
Асу керек әлі талай белесті.
Белес, белес, алда мұнар биік тау,
Қойнауына көп қазына жиыпты-ау.
Осы тауға жетем деумен талай жан,
Жол бойында өмірлерін қиыпты-ау.
Жүріп келем үміт оты сөнбестен,
Талай өзен сарқылыпты-ау мен кешкен.
Қиындықты жеңеді екен,
Қашан да
Өзіне-өзі сеніп қана белдескен.



Пікірлер (0)

Пікір қалдырыңыз

Құрдасыма

  • 0
  • 0

Көктем өтті, жаз өтті, күз де келді,
Шықтым жолға жоғымды іздегелі.
Жалпаң мақтан, жалған сөз мезі етті,
Тек әділдік керек-ау бізге енді.

Толық

Бәйге

  • 0
  • 0

Егіліп келем, көзімнің жасы төгіліп,
Тебініп келем, ақ боран шаңға көміліп.
Япырым-ау, неге ұшпайды құс боп жығылғыр,
Жазылып бауыры, қолтығы бырт-бырт сөгіліп.

Толық

Ризамын құбылыстың бәріне де

  • 0
  • 0

Ризамын құбылыстың бәріне де,
Көгілдір көктем, қыстың кәріне де.
Тағдырым тақия емес басымдағы,
Кезігіп, кез боламын әлі неге?

Толық

Қарап көріңіз