Эссе және өлең-жыр байқауы

Армандар мен мұраттарға қатар жүріп жетіңдер

  • admin
  • 20.03.2017
  • 0
  • 1
  • 2361
Ғашық болып бір-біріңе көрсеткенде шат қылық,
Алғы күннен осы той боп оянатын тәтті үміт.
Енді, міне, сендер үшін орындалып сол арман,
Шаңырақ пен босағадан кірді бүгін бақ күліп.

Бабалардың ақ үмітін тек осылай жалғаңдар,
Жүректегі ақ сезімді еш сөндіріп алмаңдар.
Келешегің нұрлы болып екеуіңе келсін де,
Орындала берсін дәйім көңілдегі армандар.

Үміттерің тойға ұласып, міне, өмірде болған шын,
Тек алдағы әрбір күнің шаттық болып жалғансын!
Әр ойлаған ойларыңа ілессін де ізгі нұр,
Тілегіңді, арманыңды Тәңір солай оңғарсын!

Тек шын сүйген жандарда әр кез болмайды ешбір, жоқ күдік,
Сондықтан да қос жүректе осы той боп жатты үміт,
Қарады да екеуіңе босағадан бақ күліп,
Енді, міне, бақыт таңы сендер үшін атты нық.

Сынақтардан қол ұстасып бірге жүріп өтіңдер,
Сол үшін де қыз-көңіл мен сертке лайық бекінді ер.
Махаббаттың сол шырағын еш сөндіріп алмастан,
Армандар мен мұраттарға қатар жүріп жетіңдер.

Басқа да өлеңдері

Қыз-дәурен

  • 0
  • 0

Серік қып тағдыр басқаны,
Ашылды арай аспаны.
Шақырды өзге жағаға
Қол бұлғап бақыт бастауы.

Толық

Төсінен ұшқан түлектің арманы биік болған жер

  • 0
  • 0

Елдің бір салты қашаннан -
Өнермен бағы жанған жер.
Төсінен ұшқан түлектің
Арманы биік болған жер.

Толық

Наурыз-тілек

  • 0
  • 2

Табиғаттың гүл еркесі Көктем күнін өткерсін,
Сол гүл ерке атырапқа жақсылығын ап келсін!
Көктеміне ілесе анық Наурыз кірсе есіктен,
Сол Наурызбен айналаға нұрға толы бақ келсін!

Толық


Пікірлер (1)

Мирамгул

Өте тамаша керемет өлеңдер.

Пікір қалдырыңыз

Серіктестер

Загрузка...