Жаңылтпаштар

Бидай көже
Сөк көже
Екеуі де
Тоқ көже.
Көзден ұшқан,
Жоқ көже.

---

Барша шырша — жасыл шырша.
Жасыл шырша — асыл шырша.

---

Барсакелмес - барсакелмейтін,
Келсе бармайтын жер емес.
Барып-келіп жүргендер де,
Барғысы келіп жүргендер де жоқ емес.

---

Балтабай
Мал таба алмай жүр.
Баласы тал таба алмай жүр,
Ағасы бал таба алмай жүр,
Балтабай әлі мал таба алмай жүр.

---

Баласы шашын жібітіп отыр,
Атасы насыбайын үгітіп отыр.
Апасы түбітін түте алмай,
Ұрысып отыр.

---

Бал аралар, бар аралар
Балалармен бірге бау аралар.
Бар балалар арамен ағаш аралар.

---

Байтан тай таңдады,
Таңдаған тайы тайтаңдады.
Бұған кейіген Байтан тағы
Тайтаңдамайтын тай таңдады.

---

Әшекейсіз әшекей әшейін әсерсіз әшекей.

---

Әтеш пен бөрте серкеш шекісті,
Әтешке көзін шұқытқан бөрте серкештің де,
Әкіреңдеген әтештің де беті істі.

---

Әжем үш әшмүшке шай алдырды
Әзер-мәзер дегенде шөл қандырды.

---

Әупілдек әупірімдеп,
Әуес пе әлде көлде
Әупілдеуге «әуп, пірім» деп.

---

Әуесқойлыққа әуестенген
Әншінің әуені де әулекі.

---

Әжемнің әспеті -
Әуелден әспетті.

---

Әукім-әукім, әукелім,
Әудем жерде өріс бар,
Әр түрлі шөбі көп тау керім.

---

Әжем әбігерленіңкіреп жүруге әдеттенген бе?

---

Әсем әсерсізді де әсерлеп әсемдейді.

---

Әріп әліпті әліптеме дей ме?

---

Әйнексіз әйбәтсіз.

---

Әзілшіл жездеммен әзілдессең азырақ,
Әзірліксіз-ақ әдемі әзілге әзір-ақ.

---

Әз әженің әжімі де әжептәуір.

---