Әлихан Бөкейханов

Әлихан Нұрмұхамедұлы Бөкейхан (1866—1937) — XIX ғ. соңы мен XX ғ. басындағы қазақ зиялыларының, қоғам және мемлекет қайраткерлері қатарындағы аса ерекше тұлға. Көрнекті қоғам және мемлекет қайраткері, ұлт-азаттық және Алаш қозғалысының жетекшісі, Алашорда автономиялы үкіметінің төрағасы, публицист, ғалым, аудармашы.


Нақыл сөздері

Білім - біліммен, мінез - мінезбен. Көп оқыса, зейінді болса - білімді болмақ, ал мінезі жақсы бола ма әлде жаман бола ма - мұны құдай біледі.

Ілмектер: білім, мінез, нақыл, афоризм Әлихан Бөкейханов

Еуропа патшалықтарының түзу деген құр аты болмаса, іс жүзінде - бір-біріне қасқыр. Тарих жүзінде Еуропа Азия жұртының бетіне Шыңғыс хан һәм Ақсақ Темір ісін басады. Осы екі патша қанша жәбір іс қылды деп. Бұлар өз уақытында заманына қарай іс қылғаны рас. Ал осы жиырмасыншы ғасырда Еуропа патшаларының қылған ісін кім ақтап ала алады? Бұлардың қайсысы қолынан келсе Шыңғыс хан һәм Темірлан болмайын дейді...

Ілмектер: Еуропа, Шыңғыс хан, Ақсақ Темір, нақыл, афоризм Әлихан Бөкейханов

Жантебіреніс: Азаттық таңы атты! Тілекке құдай жеткізді! Күні кеше құл едік - енді бүгін теңелдік!

Ілмектер: азаттық, тәуелсіздік, нақыл, афоризм Әлихан Бөкейханов

Жанайқай: қазақтың оқыған азаматтары, қазаққа осындайда қызмет етпегенде қашан қызмет етіп пайдамызды тигіземіз?!

Ілмектер: қазақ, пайда, нақыл, афоризм Әлихан Бөкейханов

Жапонда кісі қажетіне жаратылмаған алақандай жер жоқ. Онда мұндай ыждаһатты жанкештілік болмаса аштан өлесің.

Ілмектер: жер, нақыл, афоризм Әлихан Бөкейханов

Бұл болып тұрған заман - Алаштың азаматына зор жүк.

Ілмектер: заман, Алаш, нақыл, афоризм Әлихан Бөкейханов

Бұл заманда жылап мұратқа жетем деу - аш түйенің күйсеуі сыңды дәрменсіздік.

Ілмектер: заман, мұрат, нақыл, афоризм Әлихан Бөкейханов

Ғұсмания түркі тарихы бойынша біздің қазақтың Жетісудағы қаңлы деген руы ауа райы, жері келісті Еуропаға барып, мал бағуды қойып, өзге шаруаға айналып отыр.

Ілмектер: тарих, қазақ, қаңлы, нақыл, афоризм Әлихан Бөкейханов

Австралия қойының еті төрт ай мұхитта кемемен жүріп келіп, Петербург базарында сатылады. Малы көшіп жүр, адамы қала болып отыр.

Ілмектер: Австралия, қой, қала, мал, заман, халық, нақыл, афоризм Әлихан Бөкейханов

Тіршілік-ғұмыр белгісі - алыс-тартыс, арбау-әдіс.

Ілмектер: тіршілік, өмір, нақыл, афоризм Әлихан Бөкейханов

Шыңғыс хан дүниені алды - артында түк белгі қалған жоқ. Ақсақ Темір дүниені алмаса да - артында Самарқанд, мешіт, медреседей белгі қалды. Шыңғыс - көшпелі, Ақсақ Темір - отырықшы.

Ілмектер: Шыңғыс хан, Ақсақ Темір, көшпелі, мешіт, медресе, нақыл, афоризм Әлихан Бөкейханов

Жұртқа әділ би пайдалы, көпке сүйенген, көп сөзін тындаған, билігін орнына жұмсайтын, арам жемейтін, іс білетін, ел мүддесін ашық қорғай алатын болыс пайдалы.

Ілмектер: жұрт, әділдік, халық, нақыл, афоризм Әлихан Бөкейханов

Жер дауы - тәмам бес миллион қазақ дауы.

Ілмектер: жер дауы, жер, қазақ, нақыл, афоризм Әлихан Бөкейханов

Түзу қалам - қисайған, өткір қалам - мүжілген заман.

Ілмектер: заман, нақыл, афоризм Әлихан Бөкейханов

Әділдік жоқ жұртта береке-бірлік болмайды, байлықты өнермен, шаруамен, қызметпен іздемей, жұртты тонап, момынды жылатып іздеген мырзалар - қысты күні үңгірде жатып өз аяғын өзі сорған аю тәрізді.

Ілмектер: әділдік, халық, жұрт, нақыл, афоризм, береке, бірлік Әлихан Бөкейханов

Дүние билігі күннен-күнге ақылды, ұста жұрт қолына ауып барады.

Ілмектер: дүние, жұрт, билік, нақыл, афоризм Әлихан Бөкейханов

Өзіне-өзі қасқырша шауып отырған жұртта оқу-өнер болмайды.

Ілмектер: оқу, өнер, жұрт, ел Әлихан Бөкейханов

Білімнен мақсат шықпайды.

Ілмектер: білім, мақсат, нақыл, афоризм Әлихан Бөкейханов

Бірліктен айырылған ел қаңғып қалады.

Ілмектер: бірлік, ел, халық, нақыл, афоризм Әлихан Бөкейханов

Бізде болыс көп сайлаған болмай, бөтен елден орыс жетелеп әкелген бұралқы болды.

Ілмектер: сайлау, орыс, нақыл, афоризм Әлихан Бөкейханов


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)